ساباقتىڭ تاقىرىبى: اباي: «سابىرسىز، ارسىز، ەرىنشەك»
انا ءتىلى
ساباقتىڭ ماقساتى: 1. ۇلى اقىن ا. قۇنانباەۆتىڭ شىعارماشىلىعىمەن تانىستىرا وتىرىپ، ولەڭنىڭ نەگىزگى يدەياسىن اشۋعا ۇيرەتۋ.
2. ادام بويىنداعى جاعىمسىز قاسيەتتەردەن بويىن اۋلاق ۇستاۋعا باۋلۋ.
3. كوركەم ماتىنمەن جۇمىس ىستەي الۋ داعدىسىن جەتىلدىرۋ، وقىپ تۇيگەندەرى تۋرالى وي قورىتىندىسىن ايت قىزىپ جاتتىقتىرۋ.
ساباقتىڭ ءتۇرى: ارالاس ساباق.
ءادىس – تاسىلدەرى: تالداۋ، اڭگىمەلەۋ، سۇراق – جاۋاپ، قورىتىندىلاۋ.

ساباقتى ۇيىمداستىرۋ.
بالالاردىڭ نازارىن ساباققا اۋدارۋ.
ءبىز بۇگىن اباي اۋىلىنا ساياحات جاسايمىز، ءۇش توپقا ءبولىنىپ، ءار ءتۇرلى تاپسىرمالار ورىندايمىز. ول ءۇشىن الدىمەن ءۇي تاپسىرماسىن پىسىقتاپ الايىق.
تەست جۇمىستارىن تاراتۋ، وقۋشىلار ورىنداعان سوڭ وزدەرىنە تەكسەرتىپ، قورىتىندىسىن باعالاۋ.

جاڭا ساباق.
سىنىپتى 3 توپقا ءبولۋ.
1. «ابايدىڭ ولەڭدەرى» 2. «ابايدىڭ قاراسوزدەرى» 3.«ابايدىڭ اندەرى»
بالالارعا الدىن الا ا. قۇنانبايەۆ تۋرالى قوسىمشا دەرەكتەر تاۋىپ كەلۋگە تاپسىرمالار بەرىلەدى.
1 تاپسىرما بويىنشا 3 توپ وزدەرىنە بەرىلگەن تاپسىرمالاردى ورىندايدى.
ينتەراكتيۆتى تاقتاعا:
«… تالاپ، ەڭبەك، تەرەڭ وي،
قاناعات، راقىم، ويلاپ قوي،
بەس اسىل ءىس – كونسەڭىز»
دەگەن ابايدىڭ «عىلىم تاپپاي ماقتانبا» ولەڭىنەن ءۇزىندى جازىلىپ قويىلادى.
باعدارلاۋ – موتيۆاسيالىق كەزەڭ:
بالالارعا مىناداي سۇراقتار قويىلادى:
- بۇل كىمنىڭ ولەڭى؟
– ءۇزىندى ابايدىڭ قاي ولەڭىنەن الىنعان؟
- بۇل ولەڭدى كىمدەر جاتقا بىلەدى؟
- ابايدىڭ تاعى قانداي شىعارمالارى بار؟
ا. قۇنانبايەۆ جايلى نە بىلەسىڭدەر؟ – دەگەن سۇراقتار قويا وتىرىپ، جاڭا ساباقپەن بايلانىس جاساۋ.
تاقتانىڭ ورتاسىنا «اباي قۇنانباەۆ» دەپ جازىلىپ، وعان قاتىستى وقۋشىلاردىڭ ءوزى تاۋىپ كەلگەن دەرەكتەردى توپ ىشىندە ورتاعا سالىپ، توپتاما قۇراستىرۋ.

اباي
اباي قۇنانبايەۆ جايلى قوسىمشا مالىمەت: ولەڭدەرىنەن باسقا 3 پوەماسى، 45 ءقاراسوزى بار. ابايدىڭ العاشقى ولەڭدەرىن كوكباي جاناتاەۆتىڭ اتىمەن جاريالاعان. قازاقستاننىڭ بارلىق قالالارىندا اباي ەسكەرتكىشتەرى، اباي كوشەسى، الماتىدا اباي اتىنداعى ۋنيۆەرسيتەت، ىلە الاتاۋى جوتالارىندا اباي شىڭى دەپ اتالاتىن جەر، ءبىزدىڭ سەمەي قالاسىندا اباي مۋزەيى، اباي اتىنداعى تەاتر بار. ابايدىڭ اناسىنىڭ اتى – ۇلجان، اجەسىنىڭ اتى – زەرە. اباي كىشكەنتايىنان اجەسى زەرەنىڭ ايتقان قىزىقتى ەرتەگىلەرىن تىڭداپ وسەدى.
– ەندەشە، بۇگىن ءبىز ابايدىڭ بىزگە تانىس ەمەس جاڭا ولەڭىمەن تانىسامىز. ول «سابىرسىز، ارسىز، ەرىنشەك» دەپ اتالادى.
– ولەڭدى مانەرلەپ وقىپ بەرۋ، مازمۇنىن ءتۇسىندىرۋ.
– ولەڭدى وقۋشىلارعا تىزبەكتەپ وقىتۋ.
– ماتىندەگى اقىننىڭ ايتىپ وتىرعان نەگىزگى ويىن انىقتاۋ.

رەفلەكسيالىق – باعالاۋ كەزەڭى.
2 – تاپسىرما بويىنشا ەكى ولەڭدى سالىستىرا وتىرىپ، ولەڭدەگى سوزدەردى پايدالانىپ، كەستەنى تولتىرۋ.
ادامنىڭ مىنەز – قىلىقتارى:
جاعىمدى -------
جاعىمسىز ---------
كەستەگە وتىلگەن جاڭا ساباق بويىنشا «سابىرسىز، ارسىز، ەرىنشەك» دەپ اتالاتىن ولەڭ مەن «عىلىم تاپپاي ماقتانبا» ولەڭىن سالىستىرا وتىرىپ، ادامنىڭ جاقسى، جامان قىلىقتارىن توپتاپ جازادى.
- داپتەرمەن جۇمىس.
وقۋشىلارعا شىعارماشىلىق تاپسىرمالار بەرۋ.
– «جاقسىلىق پەن جاماندىق» تاقىرىبىنا بايلانىستى ءۇش توپقا تاپسىرمالار بەرىلەدى.
1 – توپ شاعىن اڭگىمە قۇراستىرۋ.
2 – توپ ولەڭ قۇراستىرۋ.
3 - توپ سۋرەت سالۋ.
– ساباعىمىزدى قورىتىندىلاۋ ماقساتىندا 4 - تاپسىرما بويىنشا ادامنىڭ مىنەز قىلىعىنا بايلانىستى ماقال – ماتەلدەر ايتۋ.
- بۇگىنگى ساباقتان قانداي اسەر الدىڭدار؟
- اقىن بۇل ولەڭدە ادام بويىنداعى قانداي جاعىمسىز قىلىقتاردى سىنايدى؟
- مەن بۇگىنگى ساباقتا نەنى ۇيرەندىم؟، كەلەشەكتە نەنى بىلگىم كەلەدى؟ دەگەن سۇراقتارعا جاۋاپ پاراقتارىنا جاۋاپ جازۋ.
– جارىس قورىتىندىسىن شىعارۋ.
- ۇيگە تاپسىرما بەرۋ. 112 - 113 بەتتەگى ولەڭدى جاتتاپ كەلۋ.
- وقۋشىلاردىڭ ءبىلىمىن باعالاۋ.

ك. ي. ساتبايەۆ اتىنداعى ورتا مەكتەپ - گيمنازيا
باستاۋىش سىنىپ ءمۇعالىمى تۋماربەكوۆا د. ج.