اباي وبلىسىندا 20 جاستاعى ديلناز جۇماعۇلوۆانى قاتىگەزدىكپەن ءولتىرۋ ءىسى بويىنشا سوت پروسەسى باستالدى. سوتتالۋشىلار قاتارىندا — مارقۇمنىڭ بۇرىنعى جىگىتى، دەپ حابارلايدى infohub.kz سايتى.
كتك تەلەارناسىنىڭ دەرەگىنشە، قىلمىس 13 شىلدەدە بورودۋليحا اۋىلىندا جاسالعان. قىزدىڭ پىشاق جاراقاتىمەن قازا تاپقان دەنەسىن جول بويىنان جەرگىلىكتى تۇرعىن تاۋىپ العان. تەرگەۋ نۇسقاسى بويىنشا، مارقۇم مەن ونىڭ بۇرىنعى جىگىتى اراسىندا جانجال بولعان. ايىپتاۋ تاراپى ونىڭ قىزدى ارتقى قالتاسىندا الىپ جۇرگەن قالتا پىشاعىمەن سويىپ تاستاعانىن العا تارتىپ وتىر.
«ءبىز بۇل باپتى ادىلەتسىز دەپ سانايمىز. وكىنىشكە قاراي، ءبىزدىڭ جالعىز بالامىزعا قاتىستى ەرەكشە قاتىگەزدىك بولماعان دەپ ەسەپتەلدى. ادام قان سۋىتپاي پىشاق جاراقاتىن سالدى، باس ميىنا اۋىر جاراقات كەلتىردى، جول ورتاسىنا تاستاپ، ۇيىنە بارىپ ۇيىقتادى. تەرگەۋ ورگاندارى ونى جىلى توسەكتەن تاپتى»، — دەدى مارقۇمنىڭ اناسى دينارا اتاەۆا.
سوت بارىسىندا پروكۋرور 10 مينۋت بويى جاراقاتتاردىڭ ەگجەي-تەگجەيىن وقىپ شىقتى. ونىڭ سوزىنەن شىعاتىنى، العاشقى شاپالاقتى جىگىتكە ديلنازدىڭ ءوزى سالعان. ول دا سولاي جاۋاپ قايتارىپ، سودان كەيىن پىشاققا جۇگىنگەن. العاشقى سوققى مويىنعا تيگەن.
«قىز ايقايلاپ، كومەككە شاقىرادى دەپ قورىققان سوتتالۋشى ونىڭ باسىنا ەكى رەت سوققى جاسادى. بالكىم، پىشاقتىڭ سابىمەن. ال ديلناز جەرگە قۇلاعاندا، پىشاقپەن سوعۋدى جالعاستىردى. سودان كەيىن مايىتتەن قۇتىلماق بولىپ، ونى ۇزاق سۇيرەدى. سوسىن شارشاپ، جول ورتاسىنا تاستاپ كەتتى»، — دەلىنگەن سيۋجەتتە.
پروكۋرور ەۆگەني كراۋزە 1-دەن 16-عا دەيىنگى جاراقاتتار كەمىندە 12 رەت وتكىر-كەسەتىن قاسيەتى بار قاتتى زاتتارمەن جاسالعان سوققىدان پايدا بولعانىن مالىمدەدى. ەر ادام «كىسى ءولتىرۋ» بابى بويىنشا سوتتالۋدا.
سوتتالۋشى تاراپى مەن پروكۋرور زالدا ءباسپاسوزدىڭ بولۋىن شەكتەۋدى تالاپ ەتتى، سەبەبى قانداي دا ءبىر ينتيمدىك مالىمەتتەر ايتىلۋى مۇمكىن دەپ قورىققان. الايدا مارقۇمنىڭ تۋىستارى بۇعان كەلىسپەي، باق-تىڭ بارلىق سوت وتىرىستارىنا قاتىسۋىنا رۇقسات بەرۋدى سۇرادى. ناتيجەسىندە تەك پروكۋروردىڭ ءسوزىن جازۋعا رۇقسات ەتىلدى، ال كەلەسى جولى ۇكىم جاريالانعاندا عانا قاتىسۋعا بولادى.
بۇعان دەيىن ءبىز مارقۇمنىڭ وتباسى باپتى «ەرەكشە قاتىگەزدىكپەن جاسالعان كىسى ولتىرۋگە» وزگەرتۋدى سۇراعانىن جازعانبىز. پوليسيا وتباسى جاقىن ارادا تەرگەۋ ناتيجەلەرىمەن تانىساتىنىن ۋادە ەتكەن.