ادام دەگەن ارداقتى ات

ساباقتىڭ تاقىرىبى: ادام دەگەن ارداقتى ات
ساباقتىڭ ماقساتى: «ادامگەرشىلىك» ۇعىمىنىڭ قۇندىلىعى رەتىندەگى ماڭىزدىلىعىن اشۋ.
ساباقتىڭ مىندەتتەرى: بىلىمدىلىك: ادامي قاسيەتتەر تۋرالى تۇسىنىك بەرۋ؛
دامىتۋشىلىق: بالالاردىڭ ادامگەرشىلىك قاسيەتتەرىن دامىتۋ، جاعىمدى قارىم - قاتىناس جاساي بىلۋگە ۇيرەتۋ؛
تاربيەلىك: ىزگىلىكتى، مەيىرىمدى بولۋعا تاربيەلەۋ.
كورنەكى قۇرالدار: داپتەر، سيۋجەتتى سۋرەتتەر
ادىستەر: اڭگىمەلەسۋ، ويىن، جاتتىعۋ، ءتۇسىندىرۋ، ساحنالاۋ.
ەپيگراف: سەن دە ءبىر كىرپىش دۇنيەگە،
كەتىگىن تاپ تا، بار قالان. اباي

ساباقتىڭ بارىسى.
1. ۇيىمداستىرۋ كەزەڭى
2. شاتتىق شەڭبەرى
ءمۇعالىم بالالارمەن سالەمدەسىپ، ولاردى شاتتىق شەڭبەرىن قۇرىپ، ءبىر - بىرىمەن سالەمدەسەدى.
 ۇلكەنگە دە ءسىز! (وڭ قولىن العا سوزادى)
 كىشىگە دە ءسىز (سول قولىن العا سوزادى)
 بارشاعا جاندى قۇرمەتتەپ، (ەكى قولىن كەۋدەگە قويادى)
 باس يەمىز ءبىز! (باس يەدى)
ە. وتەتىلەۋوۆتىڭ «ناعىز ادام بولامىن» اتتى ولەڭىن مۇعالىمگە ىلەسىپ بىرگە قايتالايدى.
بۇگىن تيتتەي بالامىن،
ءالى - اق جىگىت بولامىن.

سوندا، مۇمكىن، مەن عالىم،
الدە شوفەر بولامىن. ەل سىيلايتىن ءمۇعالىم،
الدە شاحتەر بولارمىن.
سوندا ۇستا، نە ارتيست،
نە دارىگەر بولارمىن.

الدە، الدە... بىلسەڭدەر،
جالعىز عانا تالابىم:
ەر جەتكەندە، ەل سەنەر
ناعىز ادام بولامىن!

اڭگىمەلەسۋ. ءمۇعالىم وقۋشىلاردى ساباق تاقىرىبىنا باعىتتاۋ ماقساتىندا اڭگىمەلەسۋ وتكىزەدى. اڭگىمەلەسۋگە مىنانداي سۇراقتار قويىلادى:
اتا - اناڭ قانداي بولعانىڭدى قالايدى؟
ءوزىڭنىڭ كىمگە ۇقساعىڭ كەلەدى؟
ناعىز ادام دەگەندى قالاي تۇسىنەسىڭدەر؟

بالالار ءوز تۇسىنىكتەرىن ورتاعا سالىپ ايتادى. ءمۇعالىم وقۋشىلاردىڭ جاۋاپتارىن تىڭداپ، ءوزى قورىتىندى جاسايدى.
ءمۇعالىمنىڭ ءسوزى:
- دۇرىس ايتاسىڭدار، بالالار، اتا - انامىز ءبىزدىڭ جاقسى ادام بولعانىمىزدى قالايدى. ءاردايىم اقىلدارىن ايتادى. بىزدەر اقىلدى، ادەمى ادامدارعا ۇقساعىمىز كەلەدى. ءوزىمىز دە مەيىرىمدى، ادال، ءبىلىمدى بولىپ وسۋگە تالپىنامىز.
جاڭا اقپارات
- بالالار، نە ءتاتتى؟
- انانىڭ ءسۇتى ءتاتتى.
- نە جۇمساق؟
- انانىڭ قولى جۇمساق.
- نە قاتتى؟
- اتانىڭ جۇرەگى قاتتى.
- كىم جاقىن؟
- تاتۋ بولسا، اعايىن جاقىن، اقىلشى بولسا، اپايىڭ جاقىن.
- باۋىرمال بولسا، ءىنىڭ جاقىن، الدىڭا تارتقان ادال اسىڭ،
- قيماس جاقىن قارىنداسىڭ.
- نە قىمبات؟
- التىن ۇياڭ – وتان قىمبات،
- قۇت - بەرەكە، اتاڭ قىمبات.
- ايمالايتىن، اناڭ قىمبات.
- اسقار تاۋىڭ اكەڭ قىمبات.
- دۇنيەدە نە قىمبات؟
- ادام قىمبات
- ادامعا نە قىمبات؟
- بالا قىمبات.

ماتىنمەن جۇمىس.
ساباقتىڭ تاقىرىبىن اشۋ ماقساتىندا ماتىنمەن جۇمىس جۇرگىزىلەدى. ول ءۇشىن ساباقتا وقۋشىلارعا «كىم بولاسىڭ؟» ج. جۇماحانوۆانىڭ اتتى ماتىنمەن تانىسۋ ۇسىنىلادى. ءماتىندى الدىمەن ءمۇعالىم وقىپ بەرەدى. سوسىن وقۋشىلار وزدەرى وقيدى. ءماتىن مازمۇنى بويىنشا بەرىلگەن سۇراقتارعا جاۋاپ بەرەدى.
 اتاسى نەمەرەسىنە ادام بول دەگەندە نە ايتقىسى كەلدى؟
 سەندەر «ادام بول» دەگەندى قالاي تۇسىنەسىڭدەر؟

سەرگىتۋ ءساتى
كەل، سانايىق ەكەۋمىز:
باس بارماعىم - اكەم،
بالان ۇيرەك - اپام،
ورتا تەرەك - اعام،
شىلدىر شۇمەك - مەن،
تيتتەي بوبەك - سەن،
ءبىر ۇيدە ءبىز نەشەۋمىز؟
ءبىر ۇيدە ءبىز بەسەۋمىز.
ادام دەگەن ارداقتى ات جۇكتەۋ