ادامدى ادام ەتكەن ەڭبەك

ساباق تاقىرىبى: ادامدى ادام ەتكەن ەڭبەك
ساباق ماقساتى: «ادامدى ادام ەتكەن ەڭبەك»دەگەن ۇعىمنىڭ ماعىناسىن اشۋ.
ساباق مىندەتتەرى:
1. وقۋشىلارعا جانۋارلاردىڭ تىرشىلىگى باقىلاۋدى ۇيرەتۋ. «ادام - تابيعاتتىڭ ءبىر بولىگى»دەگەن تۇجىرىمدى دالەلدەۋ.
2. ادامنىڭ ءىس – ارەكەتىن جانۋارلاردان اجىراتا ءبىلۋ داعدىسىن دامىتۋ، ەستە ساقتاۋ، شىدامدىلىق، ءجىتى باقىلاۋ، لوگيكالىق ويلاۋ سياقتى قابىلەتتەرىن جەتىلدىرۋ.
3. ساباق بارىسىندا ەڭبەكقورلىققا، قورشاعان ورتاعا قامقورلىقپەن قاراۋعا تاربيەلەۋ.
كورنەكىلىگى: «جانۋارلار الەمى» بەينەتاسپاسى، سۋرەتتەر، «تاريحي دەرەكتەمە» كەستەسى»

ساباقتىڭ بارىسى:
1. ۇيىمداستىرۋ كەزەڭى
تابيعات تۋرالى ولەڭ وقىلادى.
- بۇگىن ادامنىڭ تابيعاتتان نە ۇيرەنگەنىن وقىپ بىلەمىز.
2. ساباقتىڭ تاقىرىبى جانە ماقساتىن حابارلاۋ
3. پىكىر الماسۋ.
وقۋشىلار ءبىر - بىرىنە سۇراقتار قويۋ ارقىلى جۇمىس.
- ادام تابيعاتتان نەنى ۇيرەنەدى؟
وقۋشىلاردىڭ جاۋابى تىڭدالادى.
- دۇرىس. بۇگىن تاعى وتكەن ومىرگە ساياحات جاسايمىز.
ساباق بارىسىندا. «تاريحي دەرەككوز» كەستەسى تولتىرىلادى.

2. وقۋلىقپەن جۇمىس.
1. «ادامدى ادام ەتكەن ەڭبەك» ءماتىنىن وقىتىپ، نەگىزگى ماعىناسىن بەلگىلەتۋ.
2. ءماتىن بويىنشا قازىرگى زامان ادامىنىڭ ەرەكشەلىگىن كورسەتەتىن سالىستىرمالى سارالاۋ جۇمىسىن جۇرگىزۋ. تىرەك سىزبا قۇراستىرىلادى.

قازىرگى زامان ادامى --------------------------- جانۋارلار
ءۇي، قابىرعا، قورشاۋلار سوعادى ----------- ارالار، قۇستاردىڭ ۇياسى
اسپانعا ۇشۋ -------------------------------------- قۇستاردىڭ ۇشۋى
وقۋشىلار سالىستىرۋدى جالعاستىرادى.

3. «ادامدى ادام ەتكەن ەڭبەك ەكەنىن ءبىلۋ ءۇشىن قانداي تاريحي دەرەكتەمەلەر پايدالانادى؟» دەگەن سۇراققا جاۋاپ الۋ.
4. ساباقتى قورىتىندىلاۋ
- تاريح دەگەنىمىز نە؟ عالىمدار نەنىڭ ارقاسىندا كونە زامان تۋرالى بىلەدى؟ مىنا كەستەگە قارايىق.

تاريحي دەرەككوز
زاتتىق دەرەككوز – ەڭبەك قۇرالدارى، ءۇي شارۋاشىلىعىنداعى ۇستايتىن اسپاپتار، قارۋ جاراق، اشەكەيلەر، قيراعان عيماراتتار.
جازباشا دەرەككوز - شەجىرە، حاتتار، حانداردىڭ جارلىعى، ءىس - قاعازدارى، اڭگىمەلەر ت. ب.
اۋىزەكى دەرەككوز - ەرتەگى، مىسال، جىر، ولەڭ، جۇمباق، جاڭىلتپاش، اڭىزدار.

3. باقىلاۋ
وقۋلىقپەن جۇمىس.
وقۋلىقتاعى اڭگىمە وقىلادى.
ۇيگە تاپسىرما بەرۋ. ەڭبەك تۋرالى باقىلاۋلارىن باقىلاۋ كۇندەلىگىنە جازۋ.