ادىلبەك جاقسىبەكوۆ: قازاق ءالىپبيىن لاتىنعا كوشىرۋ بويىنشا مىندەتتەر انىقتالدى
قازاق ءالىپبيىن لاتىنعا كوشىرۋدە ناۋقانشىلدىققا جول بەرمەۋ كەرەك. بۇل تۋرالى بۇگىن اقوردادا ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ ايتتى.
«قازىرگى كەزدە «رۋحاني دامۋ» باعدارلاماسى بويىنشا كوپ جۇمىستار اتقارىلدى. قاجەتتى ۇيىمداستىرۋ سۇراقتارى تولىعىمەن شەشىلدى. باعدارلامانىڭ بارلىق باعىتتارى بويىنشا ناقتى ناتيجەلەر بار. ەڭ باستىسى، ولار حالىقتىڭ زور قولداۋىنا يە بولىپ وتىر. بۇگىنگى وتىرىستا وسى جاسالعان جۇمىستاردىڭ قورىتىندىسىن شىعارىپ، الداعى جوسپارىمىزدى قارايمىز»، - دەدى ق ر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسىن اشقان ادىلبەك جاقسىبەكوۆ.
سونىمەن قاتار ول كوميسسيا جۇمىسىنىڭ جاڭا كەزەڭى باستالعانىن جانە مۇنان ارى دا وسىعان دەيىنگى قارقىندى ساقتاپ، كەلەشەكتە اتقارىلاتىن جۇمىستارعا قاتىستى ناقتى كورىنىستىڭ بولۋى تيىستىگىن باس ايتتى.
«ءبىرىنشى باعىت، قازاق ءالىپبيىن لاتىنعا كوشىرۋ بويىنشا مىندەتتەر قازىرگى ۋاقىتتا انىقتالدى. مەملەكەت باسشىسى ءالىپبي جوباسىن بەكىتىپ، ۇكىمەت جانىنداعى ۇلتتىق كوميسسيا قۇرىلدى. جاڭا الىپبيگە كوشۋ جۇمىستارى ۇكىمەت بەكىتكەن جوسپار اياسىندا جالعاساتىن بولادى. دەگەنمەن، جوسپارلانعان شارالاردىڭ لوگيكاسىن قاتاڭ ساقتاۋ قاجەتتىگىنە نازار اۋدارعىم كەلەدى. ناۋقانشىلدىققا جول بەرمەۋ جانە پوپۋليستىك اكسيالارعا اۋەستەنبەۋ ماڭىزدى. ۇكىمەتكە بۇل ماسەلەنى ايرىقشا باقىلاۋعا الۋدى وتىنەمىن. ءىس جۇزىندە ول بار دا. پرەمەر-مينيستردىڭ ءوزى كوميسسياعا باسشىلىق جاسايدى»،- دەپ اتاپ ءوتتى پرەزيدەنت اكىمشىلىگىنىڭ باسشىسى.
You Might Also Like
-
باستىسى — قول جەتكىزگەن تابىستارىڭىزبەن توقتالىپ قالماۋ.
-
اتىراۋ قالاسى №34 كوپسالالى مەكتەپ-گيمنازياسىنىڭ 1 «ب» سىنىپ وقۋشىسى: ەرمەك ۇلى ايدار سىنىپ جەتەكشىسى: شيگانوۆا اقمارال
