اقمولا وبلىسىندا مال شارۋاشىلىعىن دامىتۋعا بولىنگەن بيۋدجەت قاراجاتىن ۇرلاۋ سحەماسى انىقتالدى. مەملەكەتكە كەلتىرىلگەن زالال 50 ميلليون تەڭگەدەن استى، دەپ حابارلايدى infohub.kz سايتى.
قارجىلىق مونيتورينگ اگەنتتىگىنىڭ اقمولا وبلىسى بويىنشا دەپارتامەنتى سۋبسيديالاردى زاڭسىز الۋ فاكتىسى بويىنشا تەرگەۋ جۇرگىزۋدە. تەرگەۋ دەرەكتەرىنە سايكەس، «مەدينا» وندىرىستىك كووپەراتيۆىنىڭ ديرەكتورى مەن شورتاندى اۋدانىنىڭ ۆەتەريناريالىق ستانسياسىنىڭ باسشىسى اقپاراتتىق جۇيەگە ءىرى قارا مالدىڭ سانى تۋرالى جالعان مالىمەتتەر ەنگىزۋ ارقىلى سحەما ۇيىمداستىرعان.
اتاپ ايتقاندا، 57 اسىل تۇقىمدى بۇقانىڭ بولۋى تۋرالى جالعان دەرەكتەر نەگىزىندە بيۋدجەتتەن 9 ميلليون تەڭگە اۋدارىلعان. كەيىن سول قۇجاتتار بويىنشا ءىس جۇزىندە جۇرگىزىلمەگەن سەلەكسيالىق جۇمىستارعا تاعى 17 ميلليون تەڭگە بولىنگەن.
سونىمەن قاتار، ءتورت وتىنىمدە انالىق مال باسىنىڭ سانى 3 مىڭ باسقا ارتتىرىلىپ كورسەتىلگەن، بۇل قوسىمشا 27 ميلليون تەڭگە سۋبسيديانى نەگىزسىز الۋعا اكەلگەن.
وندىرىستىك كووپەراتيۆ ديرەكتورىنا قاتىستى ءۇيقاماق تۇرىندەگى بۇلتارتپاۋ شاراسى تاڭدالدى. تەرگەۋ جالعاسۋدا.