ادەبيەتتىك وقۋ.
ساباقتىڭ تاقىرىبى: اعايىنبىز ءبارىمىز. تاسىمال.
ساباقتىڭ ماقساتى: ولەڭدى مانەرلەپ وقۋعا داعدىلاندىرۋ، وقۋشىلاردى سوزدەردى دۇرىس تاسىمالداۋعا توسەلدىرۋ.
- جاڭا تاقىرىپتى مەڭگەرتۋ.
- سوزدىك قورىن، وي - ءورىسىن، دۇنيەتانىمىن دامىتۋ.
ساباقتىڭ ءتۇرى: جاڭا ساباق.
ساباقتىڭ ءادىس - ءتاسىلى: كورنەكىلىك، كريتەريلى باعالاۋ.
ساباقتىڭ كورنەكىلىگى: كريتەريلەر، ولشەمدەر جازىلعان پلاكات، باعالاۋ پاراعى.
كۇتىلەتىن ناتيجە: ولەڭدى مانەرلەپ وقيدى، سوزدەردى بۋىنعا بولەدى، سوزدەردى تاسىمالدايدى، كورنەكى، ۇقىپتى جازادى، سايكەستىكتى تابادى.

ساباقتىڭ بارىسى:
I. ساباقتىڭ باستالۋىن ۇيىمداستىرۋ.
پسيحولوگيالىق دايىندىق.
وقۋشىلار 5 توپقا بولىنەدى.
1 - توپ: كۇن.
2 - توپ: گۇلدەر.
3 - توپ: جاپىراقتار.
4 - توپ: جۇلدىزدار.
5 - توپ: جۇرەك.
توپتىڭ ەرەجەسىمەن تانىستىرۋ.

II. جاڭا تاقىرىپتى حابارلاۋ.
- بالالار، بۇگىنگى وتەتىن جاڭا تاقىرىبىمىز –«اعايىنبىز ءبارىمىز» ولەڭى. ولەڭدى جازعان اۆتور - انۋاربەك دۇيسەنبييەۆ.
ءقازىر ولەڭدى ءوز بەتىمىزبەن وقيمىز. ولەڭدى وقىماستان بۇرىن تاقتاداعى سۇراقتارعا نازار اۋدارىڭدار. وسى ولەڭنەن مىنا سۇراقتارعا جاۋاپ بەرەتىندەي ءتۇسىنىپ وقيمىز.
1. ولەڭدە نە تۋرالى ايتىلعان؟
2. ولەڭنىڭ اۆتورى كىم؟
3. «اقپىز، قارا، سارىمىز» دەپ اۆتور كىمدەردى ايتقان؟
4. «بالا بىتكەن دوس، باۋىر» دەگەندى قالاي تۇسىنەسىڭ؟
5. «اعايىنبىز ءبارىمىز» دەگەندى قالاي تۇسىنەسىڭ؟
- تاقتاعا مانەرلەپ وقۋدىڭ كريتەريى ىلىنەدى.
- وقۋشىلارعا باعالاۋ پاراعى تاراتىلىپ بەرىلەدى.
ءار توپ ءبىر شۋماقتان مانەرلەپ وقيدى. (دۇرىس – 3، ورتاشا – 2، ناشار – 1شاپالاق سوعۋ).
ءمۇعالىم مانەرلەپ وقيدى.

سۇراق - جاۋاپ. ءار توپتان ءبىر وقۋشى تۇرىپ، جاۋاپ بەرەدى.
داپتەرمەن جۇمىس. 96 - جاتتىعۋ. ماقال - ماتەلدەردى وقى. ىشىنەن ولەڭ مازمۇنىنا ساي كەلەتىندەرىن تاڭداپ جاز.
1. تاتۋلىق – تابىلماس بايلىق.
2. بىرلىك بولماي، تىرلىك بولماس.
ويىن. بۋىن سىڭارىن تاپ. (ءبىر مينۋتتا بىرنەشە ءسوز قۇراستىرۋ، دۇرىس بولسا شاپالاقتاۋ.)
قوسىمشا تاپسىرما: بەرىلگەن سوزدەردى بۋىنعا ءبولىپ جازۋ جانە تاسىمال ءتۇرىن كورسەتۋ.
1 - توپ: جەلتوقسان
2 - توپ: قىركۇيەك
3 - توپ: قارلىعاش
4 - توپ: ارىستان
5 - توپ: وتانداستار

III. قورىتىندى.
1. بۋىن دەگەنىمىز نە؟
2. تاسىمال دەگەنىمىز نە؟
3. سايكەستىكتى تاپ.
وتان------------بۋىن
وقۋشى--------تاسىمال
انا
وت
جاقسىلىق
(دۇرىس بولسا 3 رەت شاپالاقتاۋ).
باعالاۋ پاراعىن جيناپ الۋ.
ۇيگە تاپسىرما: ولەڭدى مانەرلەپ وقۋ، 97 - جاتتىعۋ.