جاپونيادا ءوتىپ جاتقان 2026 جىلعى جازعى ازيا ويىندارىنىڭ العاشقى جارىس كۇنىندە قازاقستاننىڭ ءجۇزۋ قۇراماسى جۇلدەسىز قالدى. فينالعا جولداما العان جالعىز وتاندىق سپورتشى — ايبات مىرزامۇراتوۆ، دەپ حابارلايدى infohub.kz سايتى.
ول 200 مەترگە كەشەندى جۇزۋدەن سىنعا ءتۇستى. شەشۋشى جۇزۋدە قازاقستاندىق 2:00،37 ۋاقىتىن كورسەتىپ، جەتىنشى بولىپ مارەگە جەتتى.
التىن مەدالدى جاپوندىق تومويۋكي ماسۋسيتا 1:55،30 ۋاقىتىمەن جەڭىپ الدى. ونىڭ وتانداسى يۋمەكي كودزيما نەبارى 0،06 سەكۋندقا قالىپ، 1:55،36 ناتيجەسىمەن ەكىنشى ورىنعا تۇراقتادى. قولا مەدال قىتايلىق جۇزگىش ۆان شۋنگە بۇيىردى – 1:57،14.
قازاقستاننىڭ قالعان وكىلدەرى ىرىكتەۋ كەزەڭىندە-اق كۇرەستى توقتاتتى. 100 مەترگە ەركىن جۇزۋدە ماكسيم كليمەنكو 13-ناتيجە كورسەتسە، اديلبەك مۋسين 16-ورىنعا تۇراقتادى. الەكساندر رۋمىنسكي 100 مەترگە شالقالاي ءجۇزۋدىڭ ىرىكتەۋىندە 17-بولىپ، فينالعا شىعا المادى.
ەسكە سالايىق، جاپونياداعى XX جازعى ازيا ويىندارى 19 قىركۇيەكتە رەسمي تۇردە اشىلدى. 45 ەلدىڭ سپورتشىلارى قاتىساتىن كەشەندى جارىستاردا 460 مەدال جيىنتىعى ساراپقا سالىنادى: 217ء-سى – ەرلەر اراسىندا، 204ء-ى – ايەلدەر اراسىندا جانە 39-ى – ارالاس رازريادتاردا. تۋرنيرلەر 41 سپورت ءتۇرىنىڭ 68 ديسيپليناسىندا وتەدى. ازيادا-2026-دا قازاقستان قۇراماسىنىڭ ساپىندا 559 سپورتشى سىنعا تۇسەدى.