جاپونيا قابىلداپ جاتقان 2026 جىلعى جازعى ازيا ويىندارىندا قازاقستان ۇلتتىق قۇراماسىنىڭ بوكس كاپيتانى ايبەك ورالباي جەڭىمپاز اتاندى، دەپ حابارلايدى infohub.kz سايتى.
90 كەلىدەن جوعارى سالماق دارەجەسىندەگى شەشۋشى جەكپە-جەكتە قازاقستاندىق رينگكە وزبەكستان وكىلى جاحونگير زوكيروۆقا قارسى شىقتى. ورالباي تورەشىلەردىڭ ءبىراۋىزدان بەرگەن شەشىمىمەن جەڭىسكە جەتىپ، ۇلتتىق قۇراماعا التىن مەدال سىيلادى.
بۇل جۇلدە ورالباي ءۇشىن حالىقارالىق ارەناداعى كەزەكتى ءىرى جەتىستىك بولدى. ول — 2022 جىلعى ازيا چەمپيونى، بىرنەشە رەت ەلىنىڭ نامىسىن ءىرى حالىقارالىق دودالاردا قورعاپ، پاريجدە وتكەن 2024 جىلعى وليمپيادا ويىندارىنا دا قاتىسقان.
ورالبايدىڭ التىنى اعىمداعى ازيا ويىندارىندا قازاقستان قۇراماسىنىڭ بوكستان ەكىنشى التىنى بولدى. بۇعان دەيىن ازيادا-2026 چەمپيونى اتانعان تورەحان سابىرحان ەدى. وسىلايشا، قازاقستاندىق بوكسشىلار ۇلتتىق قۇرامانىڭ مەدال قورجىنىن بىردەن ەكى جوعارى دارەجەلى جۇلدەمەن تولىقتىردى.