2022–2024 جىلدارى جاڭاوزەن اكىمى بولعان ايبەك قوسۇاقوۆ قايتادان مەملەكەتتىك قىزمەتكە ورالدى — ول ماڭعىستاۋ وبلىسى اكىمى اپپاراتىنىڭ باسشىسى بولىپ تاعايىندالدى، دەپ حابارلايدى infohub.kz سايتى.
ماڭعىستاۋ وبلىسى اكىمدىگىنىڭ رەسمي Telegram-ارناسىندا ءمالىم بولعانداي، تاعايىنداۋ قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن وبلىس اكىمى نۇرداۋلەت قيلىبايدىڭ وكىمىمەن جاسالدى.
ايبەك قوسۇاقوۆ 1975 جىلى 15 قازاندا ماڭعىستاۋ وبلىسى ماڭعىستاۋ اۋدانىنىڭ ۇشتاعان اۋىلىندا دۇنيەگە كەلگەن. 1997 جىلى ەسەنوۆ اتىنداعى اقتاۋ ۋنيۆەرسيتەتىن «مۇناي جانە گاز ۇڭعىمالارىن بۇرعىلاۋ» ماماندىعى بويىنشا، ال 2013 جىلى كۇنايەۆ اتىنداعى كولىك جانە قۇقىق گۋمانيتارلىق ۋنيۆەرسيتەتىن «ەكونوميكا» ماماندىعى بويىنشا بىتىرگەن.
ەڭبەك جولىن 1997 جىلى «قاراجانباسمۇناي» اق مۇناي جانە گاز ءوندىرۋ سەحىنىڭ تۇزسىزداندىرۋ جانە سۋسىزداندىرۋ قوندىرعىسىنىڭ وپەراتورى بولىپ باستاعان. 2001 جىلى وسى كاسىپورىننىڭ ۇڭعىمالاردى تەرەڭ زەرتتەۋ زەرتحاناسىندا ۇڭعىمالاردى زەرتتەۋ وپەراتورى بولىپ جۇمىس ىستەگەن.
2005–2006 جىلدارى «جازىق» اق الەۋمەتتىك دامۋ جونىندەگى اتقارۋشى ديرەكتورى قىزمەتىن اتقارعان. 2007–2020 جىلدارى «تاۋشىق اۋىل شارۋاشىلىعى» ج ش س القالى اتقارۋشى ورگانىنىڭ ءتوراعاسى بولعان.
2020–2022 جىلدارى قوسۇاقوۆ ماڭعىستاۋ وبلىسى ءتۇپقاراعان اۋدانىنىڭ اكىمى، ال 2022–2024 جىلدارى جاڭاوزەن اكىمى قىزمەتىندە بولدى. 2024 جىلعى 22 ساۋىردەن باستاپ وسى ۋاقىتقا دەيىن «كاسپيترانسكوم» ج ش س ديرەكتورىنىڭ كەڭەسشىسى بولىپ جۇمىس ىستەگەن.