ايدا بالاەۆا شىمكەنتكە جۇمىس ساپارىمەن كەلدى،-دەپ حابارلايدى ينفوحاب.كز.
مادەنيەت جانە اقپارات ءمينيسترى ايدا بالاەۆا شىمكەنتكە كەلدى. بۇل — ءمينيستردىڭ مەگاپوليس پەن تۇركىستان وبلىسىنا جاساعان العاشقى ساپارى ەمەس. بۇعان دەيىن ول وڭىردە بىرنەشە رەت بولىپ، ءبىرقاتار ماڭىزدى ءىس-شارالارعا قاتىسقان.
الدىڭعى ساپارلارىندا ايدا بالاەۆا ازاماتتاردى جەكە قابىلداپ، ولاردىڭ الەۋمەتتىك جانە مادەني ماسەلەلەرىن تىڭداعان. سونداي-اق تۇركىستانداعى تاريحي-مادەني نىسانداردى، سونىڭ ىشىندە قوجا احمەت ياساۋي كەسەنەسىن ارالاپ، ولاردىڭ جاي-كۇيىمەن تانىسقان.
ءمينيستردىڭ وڭىرگە كەلۋىنىڭ تاعى ءبىر ماقساتى — جاڭا جوبالاردى تالقىلاۋ. پرەزيدەنت قاسىم-جومارت توقاەۆتىڭ تاپسىرماسى اياسىندا بالاەۆا شىمكەنتتە مادەنيەت جانە ونەر ۋنيۆەرسيتەتىن اشۋ ماسەلەسىن كوتەرگەن بولاتىن.