Air Astana اۋەكومپانياسى قازاقستان مەن جاپونيا اراسىنداعى جاڭا باعىتتى اشادى: الماتىدان توكيوعا العاشقى تىكەلەي رەيس 2026 جىلعى 30 قاراشاعا، ال توكيودان كەرى رەيس 2026 جىلعى 1 جەلتوقسانعا جوسپارلانعان، دەپ حابارلايدى infohub.kz سايتى.
ۇشۋلار اپتاسىنا ەكى رەت توكيونىڭ حالىقارالىق اۋەجايىنا (ناريتا) بيزنەس جانە ەكونوم كلاسس سالوندارىمەن جابدىقتالعان Airbus A321LR ۇشاقتارىمەن ورىندالادى.
اۋەكومپانيانىڭ حابارلاۋىنشا، رەيستەر كەستەسى (جەرگىلىكتى ۋاقىت بويىنشا، ۇكىمەت ماقۇلداعان جاعدايدا) بىلايشا كورىنەدى. KC171 الماتى–توكيو رەيسى دۇيسەنبى جانە بەيسەنبى كۇندەرى ورىندالادى: الماتىدان 21:55-تە ۇشىپ، توكيوعا كەلەسى كۇنى 09:25-تە قونادى. KC172 توكيو–الماتى رەيسى سەيسەنبى جانە جۇما كۇندەرى ورىندالادى: توكيودان 10:55-تە ۇشىپ، الماتىعا 16:20-دا قونادى.
الماتىدان توكيوعا ۇشۋ ۇزاقتىعى 7 ساعات 30 مينۋت، كەرى باعىتتا — 9 ساعات 25 مينۋت.
ايتا كەتەيىك، ەكونوم-كلاسستا ەكى جاققا بيلەتتىڭ ەڭ تومەن باعاسى (بارلىق الىمدارمەن) 350 552 تەڭگەدەن، بيزنەس-كلاسستا — 1 398 918 تەڭگەدەن باستالادى.
ايتپاقشى، جاپونيا ازاماتتارى قازاقستانعا 30 كۇنگە دەيىن ۆيزاسىز كىرە الادى. ال قازاقستان ازاماتتارىنا جاپونياعا بارۋ ءۇشىن ۆيزا قاجەت.