ورمۋز بۇعازىنداعى شيەلەنىستىڭ ساقتالۋىنا بايلانىستى قازاقستاندىق تۋريستەر بىرىككەن اراب امىرلىكتەرىندەگى دەمالىسسىز قالۋ قاۋپىنە تاپ بولىپ وتىر: Air Astana اۋە كومپانياسى دۋبايعا رەيستەردى تاعى دا ۇزاق مەرزىمگە توقتاتتى، دەپ حابارلايدى infohub.kz.
21 شىلدەگە دەيىن استانا مەن الماتىدان دۋبايعا رەيستەر ءالى دە ورىندالادى. الايدا 21 شىلدەدەن 31 تامىزعا دەيىن ۇشۋلار قايتا توقتاتىلادى.
اۋە تاسىمالداۋشىسىنىڭ ءباسپاسوز قىزمەتى: «جولاۋشىلارعا بيلەتتەردى ساتىپ العان جەرىندە تولىق قايتارۋ نەمەسە كەيىنگى كۇندەرگە تەگىن قايتا برونداۋ، سونداي-اق باسقا حالىقارالىق باعىتتارعا قايتا برونداۋ مۇمكىندىگى بەرىلەدى»، — دەپ ءتۇسىندىردى.
ەسكە سالا كەتەيىك، بۇعان دەيىن Air Astana يران مەن اقش اراسىنداعى قاقتىعىستىڭ ورشۋىنە بايلانىستى دۋبايعا رەيستەردى ەكى كۇنگە توقتاتقان بولاتىن. ەندى اۋە كومپانياسى ءقاۋىپتى باعىتتان جازعى تۋريستىك ماۋسىمنىڭ سوڭىنا دەيىن باس تارتۋ تۋرالى شەشىم قابىلدادى.
بۇدان بۇرىن قازاقستان تۋروپەراتورلار قاۋىمداستىعىنىڭ پرەزيدەنتى يننا رەي Kursiv LifeStyle-كە بەرگەن سۇحباتىندا ۇشقىشسىز ۇشاقتاردىڭ شابۋىلىنان كەيىن دۋباي تۋريستەرىنەن ايىرىلا ما دەگەن پىكىرىن بىلدىرگەن ەدى.