الماتى قالالىق سوتىنىڭ قىلمىستىق ىستەر جونىندەگى اپەللياسيالىق القاسى «ەير استانا» اق-دا 1 ملرد تەڭگەدەن استام قاراجاتتى جىمقىرۋ جانە قىلمىستىق كىرىستەردى زاڭداستىرۋ ءىسى بويىنشا ۇكىمدى وزگەرىسسىز قالدىردى. بۇل تۋرالى infohub.kz سايتى حابارلايدى.
سحەمانى ۇيىمداستىرۋشى 9 جىلعا باس بوستاندىعىنان ايىرىلدى، ال ونىڭ ەكى سىبايلاسى 8 جىل 6 ايعا سوتتالدى. سونداي-اق، بارلىق سوتتالعاندارعا م ۇلىك تاركىلەۋ جانە كوممەرسيالىق ۇيىمداردا 5 جىل بويى لاۋازىمدى قىزمەت اتقارۋعا تىيىم سالۋ جازاسى تاعايىندالدى.
سوت زارداپ شەككەن تاراپتىڭ 1 ملرد تەڭگەدەن استام سوماعا ازاماتتىق تالاپ-ارىزىن قاناعاتتاندىردى. تاركىلەنگەن م ۇلىك كەلتىرىلگەن زالالدى وتەۋگە باعىتتالادى.
اپەللياسيالىق ساتى قورعاۋشىنىڭ دالەلدەرىن قاراستىرىپ، ۇكىمدى وزگەرىسسىز قالدىرىپ، شاعىمداردى قاناعاتتاندىرۋسىز قالدىردى.