Airbus كومپانياسى 24 شىلدەدە فرانسيانىڭ تۋلۋزا قالاسىنان اۆستراليانىڭ مەلبۋرن قالاسىنا جاڭا A350-1000ULR ۇشاعىنىڭ سىناق رەيسىن جاسايدى. بۇل تۋرالى infohub.kz سايتى حابارلايدى.
ۇزىندىعى 17 مىڭ شاقىرىمعا جۋىق مارشرۋت شامامەن 22 ساعاتتى الادى. بۇل ازاماتتىق اۆياسيا تاريحىنداعى ەڭ ۇزاق سىناق رەيستەرىنىڭ ءبىرى بولماق. سىناق Qantas اۆياكومپانياسىنىڭ Project Sunrise («تاڭ») جوباسى اياسىندا جۇرگىزىلۋدە. جوبانىڭ ماقساتى – اۆستراليادان ەۋروپا مەن سولتۇستىك امەريكاعا ارالىق قونۋسىز تىكەلەي رەيستەر ۇيىمداستىرۋ.
ەگەر سىناقتار ءساتتى وتسە، 2027 جىلدىڭ قازان ايىنان باستاپ Qantas سيدنەي – لوندون جانە سيدنەي – نيۋ-يورك باعىتتارى بويىنشا توقتاۋسىز رەيستەر جاساۋدى جوسپارلاپ وتىر.
جوبانى جۇزەگە اسىرۋ ءۇشىن Airbus A350-1000ULR ۇشاعىن جاڭارتتى. اتاپ ايتقاندا، لاينەردىڭ ارتقى بولىگىنە قۋاتى 20 مىڭ ليتر قوسىمشا وتىن باگى ورناتىلدى، سونداي-اق وتىن جۇيەسى مەن بورتتاعى اسحانا سالقىنداتۋ جۇيەسى جەتىلدىرىلدى. بۇل وزگەرىستەر ۇشاققا وتىن قۇيۋسىز تاۋلىككە جۋىق ۋاقىت ۇشۋعا مۇمكىندىك بەرۋى ءتيىس.
ۇشاقتى كوممەرسيالىق پايدالانۋعا ەنگىزەر الدىندا جاڭا موديفيكاسيا ەۋروپالىق اۆياسيالىق قاۋىپسىزدىك اگەنتتىگىنىڭ (EASA) سەرتيفيكاتىنان ءوتۋى قاجەت.
Bild باسىلىمىنىڭ اتاپ وتۋىنشە، الداعى ۇشۋ جولاۋشىلار لاينەرىنىڭ ارالىق قونۋسىز تاۋلىككە جۋىق اۋەدە ءقاۋىپسىز بولا الاتىنىن تەكسەرۋدىڭ ماڭىزدى كەزەڭى بولادى.