قازاقستاندىق بلوگەر ايجان بايزاكوۆا وتباسىنا قاتىستى جاعىمسىز وقيعانى مالىمدەدى: بەلگىسىز بىرەۋ ونى جۇبايىنىڭ كوزىنشە قارالاماق بولعان، دەپ حابارلايدى infohub.kz سايتى.
الەۋمەتتىك جەلىدە ايجان كۇيەۋى نۇربەككە تانىمايتىن ادامنان كەلگەن حابارلامانىڭ سكرينشوتىن جاريالادى. حابارلاما ماتىنىندە: «مەندە ايجاننىڭ وپاسىزدىعىنىڭ داۋسىز دالەلدەرى بار، قىزىقتىرسا، سويلەسە الامىز»، — دەپ جازىلعان.
بلوگەردىڭ ايتۋىنشا، بەيتانىس ادام ونىڭ وپاسىزدىعىن راستايتىن ۆيدەو ينتەرنەتتە تارالماۋى ءۇشىن اقشا تالاپ ەتكەن.
ايجان ايىپتاۋدىڭ سىنعا توتەپ بەرمەيتىن سەبەپتەرىن اتاپ ءوتتى. «ءبىر "ءبىراق" بار — ول ءبىزدى بىلمەيدى. ءبىز بىر-بىرىمىزگە مىڭ پايىز سەنەمىز، بىر-بىرىمىزگە وتە ادال ءارى بەرىلمىز. ەكىنشىدەن، استانادا ونداي ءقوناقۇي جوق، اقپاراتتى تەكسەرۋ كەرەك. ۇشىنشىدەن، ول: "مۇنى ينتەرنەتكە تاراتپاۋىم ءۇشىن اقشا جىبەرىڭدەر" دەيدى. ءبىراق ول ايجاننىڭ "كرەيزي" ەكەنىن، حايپتى ۇناتاتىنىن ەسكەرمەدى. ءبىز ساعان تاراتسىن دەپ تە اقشا تولەر ەدىك!» — دەدى ول.
كەيىنىرەك قاسكوي بىرەۋدىڭ تاپسىرىسىمەن ارەكەت ەتكەنىن، ال "اشكەرەلەيتىن" ۆيدەو ارنايى باعدارلامالارمەن جاسالعانىن مويىندادى.
«بىرەۋ ءبىزدىڭ وتباسىمىزدى، قارىم-قاتىناسىمىزدى بۇزعىسى كەلەدى»، — دەپ قورىتىندىلادى ايجان.