اق ءۇيدىڭ رەسمي سايتىندا پايدالانۋشىلار ميگرانتتاردى تۇتقىنداپ، قابىرعا تۇرعىزا الاتىن اركادا ويىندارى بار قويىندى پايدا بولدى، دەپ حابارلايدى infohub.kz سايتى.
اق ءۇي سايتىنداعى Arcade بولىمىندە بارلىق كەلۋشىلەرگە قولجەتىمدى بەس ويىن جانە جاقىن ارادا پايدا بولاتىن التىنشى ويىن ۇسىنىلعان. ولاردىڭ ىشىندە — ۆاشينگتونداعى ۇلتتىق اللەيانىڭ ۇستىندە اقباس قىراننىڭ ۇشۋ سيمۋلياتورى، «جاقىنداپ كەلە جاتقان وردادان» شەكارانى قورعاۋ جانە قابىرعا تۇرعىزۋ ويىنى، سونداي-اق پايدالانۋشىلار ريو-گراندە وزەنى بويىنداعى شەكارا باقىلاۋ قىزمەتكەرلەرى رولىندە ميگرانتتاردى ۇستايتىن ويىن بار.
سونىمەن قاتار، «امەريكانى قايتادان ۇلى ەتۋ» ءۇشىن مەكتەپ تۇسكى استارىن ساناتتار بويىنشا سۇرىپتاۋ كەرەك ويىن جانە بالالاردىڭ «ترامپ شوتتارىن» تولىقتىرۋعا بايلانىستى ويىن قولجەتىمدى — بۇل باعدارلاما بويىنشا 2025-2028 جىلدارى اقش-تا تۋعان ءاربىر بالاعا مەملەكەت 1 مىڭ دوللار باستاپقى كاپيتالى بار ينۆەستيسيالىق شوت اشادى.
اق ءۇيدىڭ X الەۋمەتتىك جەلىسىندەگى رەسمي اككاۋنتى سايتتا ويىنداردىڭ پايدا بولۋىن حابارلادى. «جەڭۋدى توقتاتا المايمىز. قابىرعا تۇرعىزىڭىز. دەپورتاسيا جاساڭىز. „ترامپ شوتتارىن“ تولىقتىرىڭىز»، — دەلىنگەن حابارلامادا.