اقمولا گارنيزونىنىڭ اسكەري سوتى بۇرىنعى اسكەري قىزمەتشىنىڭ پايداسىنا شەشىم شىعارىپ، جاۋاپكەردەن زاڭسىز ۇستالعان قاراجاتتى ءوندىرىپ، ءتيىستى م ۇلىكتى بەرۋدى مىندەتتەدى، دەپ حابارلايدى infohub.kz سايتى.
قازاقستان رەسپۋبليكاسى اسكەري سوتىنىڭ رەسمي Telegram-ارناسىندا حابارلانعانداي، اسكەري قىزمەتشىنىڭ «اۆياسيالىق قىزمەت» رمم-گە قاراجات ءوندىرۋ، اسكەري م ۇلىكتى بەرۋ جانە وتەماقى تولەۋ تۋرالى تالاپ ارىزى بويىنشا ازاماتتىق ءىس قارالدى.
تالاپكەر 2025 جىلى اسكەري قىزمەتتەن بوساتىلعان. قىزمەتتەن بوساتىلعان كەزدە وعان تيەسىلى اقشالاي تولەمدەردەن ءبىر بولىگى ۇستالىپ قالعان، وتەماقى تولەنبەگەن، سونداي-اق اسكەري كيىم-كەشەك بەرىلمەگەن.
ءىس ماتەريالدارىن زەردەلەي كەلە، سوت تالاپكەردەن 1 320 807 تەڭگە كولەمىندە قاراجات ۇستالعانىن انىقتادى. بۇل ۇستاۋدىڭ زاڭدى نەگىزدەرىنىڭ بولماۋىنا بايلانىستى سوت ونى زاڭسىز دەپ تانىدى. سونىمەن قاتار، سوت اسكەري قىزمەتتەن بوساتىلعان تالاپكەردىڭ قازاقستان رەسپۋبليكاسى اۋماعى بويىنشا جەكە مۇلكىن تاسىمالداۋعا بايلانىستى وتەماقى الۋعا قۇقىعى بار دەگەن قورىتىندىعا كەلدى.
سوت شەشىمىمەن جاۋاپكەردەن تالاپكەردىڭ پايداسىنا زاڭسىز ۇستالعان 1 320 807 تەڭگە جانە جەكە م ۇلىكتى تاسىمالداۋعا بايلانىستى 544 852 تەڭگە وتەماقى ءوندىرىلدى.
سونىمەن قاتار، جاۋاپكەر تالاپكەرگە قولدانىستاعى نورمالارعا سايكەس بەرىلمەگەن اسكەري كيىم-كەشەك پەن جاراقتاندىرۋ زاتتارىن زاتتاي تۇردە بەرۋگە مىندەتتى.
تالاپكەردىڭ ەمدەلۋگە بايلانىستى شىعىنداردى ءوندىرۋ تۋرالى تالابى قاناعاتتاندىرۋسىز قالدىرىلدى.
ءىستى قاراۋ ناتيجەسىندە تالاپكەردىڭ تالاپتارى ءىشىنارا قاناعاتتاندىرىلدى.
سوت شەشىمى زاڭدى كۇشىنە ەنگەن جوق.