اقمولا وبلىسىنىڭ تۇرعىنى توقتاتىلعان ءقوناقۇي برونداۋى ءۇشىن اقشانى ساۋدا جانە تۇتىنۋشىلار قۇقىعىن قورعاۋ دەپارتامەنتىنىڭ كومەگىمەن قايتارىپ الدى، دەپ حابارلايدى infohub.kz.
ۆەدومستۆونىڭ رەسمي سايتىندا حابارلانعانداي، دەپارتامەنتكە وبلىس تۇرعىنى ءقوناقۇيدىڭ توقتاتىلعان برونداۋ ءۇشىن اقشانى قايتارۋدان باس تارتقانىنا شاعىمدانىپ كەلگەن. تۇتىنۋشىنىڭ ايتۋىنشا، ول الدىن الا بولمە برونداپ، 25 مىڭ تەڭگە مولشەرىندە تۇرۋ قۇنىن تولەگەن. الايدا جەكە جاعدايىنا بايلانىستى ساپار بولماي، برونداۋ كۇشىن جويعان. ءقوناقۇي اكىمشىلىگىنە ۋاقىتىلى جۇگىنگەنىنە قاراماستان، اقشانى قايتارۋدان باس تارتىلعان.
ءوز قۇقىعىن قورعاۋ ءۇشىن ءوتىنىش بەرۋشى اقمولا وبلىسى بويىنشا ساۋدا جانە تۇتىنۋشىلار قۇقىعىن قورعاۋ دەپارتامەنتىنە جۇگىنگەن. ماماندار ءوتىنىش ءمان-جايىن زەرتتەپ، قۇقىقتىق كومەك كورسەتىپ، داۋدى سوتقا دەيىنگى تارتىپپەن شەشۋگە ىقپال ەتكەن. سونىڭ ناتيجەسىندە ءقوناقۇي برونداۋدىڭ تولىق قۇنىن — 25 مىڭ تەڭگەنى ەرىكتى تۇردە قايتارعان.