اقمولا وبلىسىنىڭ قاناي-بي اۋىلىندا «اۋىل قۇتقارۋشىلارى» ەرىكتى ءورت قۇراماسىنىڭ جاڭا بەكەتى جۇمىسىن باستادى. نىساندى جەرگىلىكتى جاۋاپكەرشىلىگى شەكتەۋلى سەرىكتەستىكتىڭ قولداۋىمەن جاڭارتىپ، ىسكە قوستى. جوبانىڭ جۇزەگە اسۋى ءورت قاۋىپسىزدىگىن ارتتىرىپ، قۇتقارۋشىلاردىڭ وقيعا ورنىنا جەتۋ ۋاقىتىن قىسقارتادى، دەپ حابارلايدى infohub.kz سايتى.
جاڭا بولىمشە ەڭ جاقىن ءورت بولىمىنەن 39 شاقىرىم جەردە ورنالاسقان. ول جالپى سانى 596 ادام تۇراتىن ءتورت ەلدى مەكەندى ورتتەن قورعايدى.
توتەنشە جاعدايلارعا جەدەل دەن قويۋ ءۇشىن بەكەت ارنايى كولىكپەن جابدىقتالعان. بۇگىندە كوماندا قاجەتتى ورت-تەحنيكالىق جابدىقپەن جانە جەكە قۇراممەن تولىق جاساقتالعان.
نىساننىڭ اشىلۋى شالعاي اۋداندار تۇرعىندارىنىڭ قاۋىپسىزدىگىن قامتاماسىز ەتۋدەگى ماڭىزدى قادام دەپ باعالانىپ وتىر. دايىندىعى بار ماماندار مەن تەحنيكانىڭ بولۋى ورتتەردى ۋاقتىلى ءسوندىرىپ، پروفيلاكتيكالىق جۇمىستار جۇرگىزۋگە مۇمكىندىك بەرەدى.
بۇگىندە قازاقستاندا وسىنداي 271 ەرىكتى ءورت قۇراماسى جۇمىس ىستەپ تۇر.