اقمولا وبلىسىندا التىن كەنتاسىن وڭدەيتىن جاسىرىن سەحتىڭ جۇمىسى توقتاتىلدى. زاڭسىز سحەمانىڭ ۇيىمداستىرۋشىسى قاماۋعا الىندى، دەپ حابارلايدى infohub.kz سايتى.
قارجى مونيتورينگى اگەنتتىگىنىڭ مالىمەتىنشە، ءبىر توپ ادام شورتاندى اۋدانىنىڭ اۋماعىندا زاڭسىز باعالى مەتالدار وندىرگەن. جەدەل-ىزدەستىرۋ ءىس-شارالارى بارىسىندا ۇساقتاۋ جانە بالقىتۋ ارقىلى باعالى مەتالداردى الۋعا ارنالعان جاسىرىن سەح انىقتالدى. ءتىنتۋ كەزىندە جابدىق، سالماعى 446 گرامم التىن كەسەگى، ءتورت توننا التىن كەنتاسى، التى كيلوگرامم سىناپ، سونداي-اق ەكى ميلليون تەڭگەدەن استام جانە سەگىز مىڭ دوللار تاركىلەندى. بۇدان باسقا، اتىس قارۋى مەن وق-دارىلەر تابىلدى.
قما سلەدوۆاتەللەردىڭ قاتىسى بار ادامداردى انىقتاپ، زاڭسىز وندىرىلگەن التىن كولەمىن انىقتاپ جاتقانىن حابارلادى. بۇعان دەيىن وسىنداي جاسىرىن التىن وڭدەۋ سەحتارى شىعىس قازاقستان وبلىسىندا انىقتالعان.