اقش 60 نەگىزگى ساۋدا سەرىكتەسىنە قاتىستى 10%-دان 12،5%-عا دەيىنگى ساۋدا باجدارىن ەنگىزەتىنىن مالىمدەدى، دەپ حابارلايدى infohub.kz.
اقش ساۋدا وكىلى دجەيميسون گريردىڭ كەڭسەسىنىڭ مالىمدەۋىنشە، باج سالىعى 1974 جىلعى ساۋدا زاڭىنىڭ 301-بابى اياسىندا ەنگىزىلىپ وتىر. سەبەبى بۇل ەلدەر ءماجبۇرلى ەڭبەكپەن وندىرىلگەن تاۋارلاردى يمپورتتاۋعا تىيىم سالۋدى ءتيىمدى قامتاماسىز ەتە الماعان. گرير «60 مەملەكەتكە قاتىستى باج سالىعىن ەنگىزۋ ارقىلى سوڭعى قادامداردى جاساپ جاتىر... بۇل ەلدەر ءماجبۇرلى ەڭبەكپەن وندىرىلگەن تاۋارلاردى يمپورتتاۋعا تىيىم سالۋدى ەنگىزىپ، ونى ءتيىمدى ورىنداۋدى قامتاماسىز ەتە المادى».
ەڭ تومەنگى 10% مولشەرلەمە ۇلىبريتانيا، ءۇندىستان، كانادا جانە مەكسيكانى قوسا العاندا، مۇنداي تىيىمدى ەنگىزگەن 17 مەملەكەتكە قولدانىلادى. ەۋروپالىق وداق، جاپونيا، وڭتۇستىك كورەيا جانە شۆەيساريادان كەلەتىن كەيبىر تاۋارلارعا (ەرەكشە جاعدايلاردان باسقا) مولشەرلەمە 10% نەمەسە 12،5% قۇرايدى، بۇدان ەڭ قولايلى مەملەكەت رەجيمىنىڭ ستاۆكالارى شەگەرىلەدى. ەڭ جوعارى بازالىق مولشەرلەمە 2،5% ۇلعايىپ، ۆاشينگتوننىڭ تالاپتارىن ورىنداماعان تەرگەۋگە قاتىسۋشىلاردىڭ قالعانى ءۇشىن 12،5%-عا دەيىن جەتەدى.
بۇل باج سالىقتارى اقپان ايىندا پرەزيدەنت دونالد ترامپ اكىمشىلىگى ەنگىزگەن ۋاقىتشا 10% جاھاندىق باجدى الماستىرادى.