ميشەل ەركىن 2023 جىلدان بەرى اقش-تىڭ الماتىداعى باس كونسۋلى قىزمەتىن اتقارىپ كەلگەن ەدى. ەندى بۇل لاۋازىمعا پيتەر كاۋفمان تاعايىندالدى، دەپ حابارلايدى infohub.kz.
باس كونسۋلدىق پيتەر كاۋفماننىڭ اقش-تىڭ الماتىداعى جاڭا باس كونسۋلى بولىپ تاعايىندالعانىن حابارلادى. «جاڭا باس كونسۋل مىرزا پيتەر كاۋفماندى قازاقستانعا كەلگەنىمەن قۇتتىقتايمىز!» — دەلىنگەن حابارلامادا.
بۇعان دەيىن بۇل لاۋازىمدا ميشەل ەركىن بولعان. ول قازاقستانداعى جۇمىسىنا 2023 جىلدىڭ تامىزىندا كىرىسكەن. ول الماتىلىق جومارت ەسىمدى ازاماتقا تۇرمىسقا شىققان، ەكەۋى ءتورت بالا تاربيەلەپ وتىر. ميشەل ەركىن ورىس جانە يسپان تىلدەرىن جەتىك مەڭگەرگەن، سونداي-اق قازاق ءتىلىن ۇيرەنىپ ءجۇر.
كونسۋلدىقتىڭ پاراقشاسىندا ميشەل ەركىننىڭ قازاق تىلىندە قازاقستاندىقتارعا بىرلەسكەن ەڭبەگى ءۇشىن العىس بىلدىرگەن ۆيدەوسى جارىق كوردى.
2025 جىلدىڭ باسىندا ءماجىلىس دەپۋتاتتارى اقش-قا الماتىدا كونسۋلدىق عيمارات سالۋ ءۇشىن جەر تەلىمىن جالعا بەرۋ تۋرالى زاڭ جوباسىن قاراۋعا قابىلداعانى حابارلانعان بولاتىن.