اقش ارنايى قىزمەتتەرى لوندونداعى اقش ەلشىلىگىنىڭ بالالارعا زورلىق-زومبىلىق جاسادى دەپ كۇدىكتەلگەن قىزمەتكەرىن ۇلىبريتانيادان جاسىرىن تۇردە شىعارىپ اكەتتى، دەپ حابارلايدى infohub.kz سايتى.
The Sun باسىلىمىنىڭ مالىمەتىنشە، وپەراسيا رەسمي تۇلعالار ديپلوماتتىڭ اقش-تا جۇرگەن اعاسىنا قاتىستى تەرگەۋ باستاعاننان كەيىن جۇرگىزىلگەن. تەرگەۋ نۇسقاسى بويىنشا، اعاسى ديپلوماتقا بالالار بەينەلەنگەن ادەپسىز سۋرەتتەر جىبەرىپ وتىرعان.
25 تامىزدا ەلشىلىك قىزمەتكەرىنىڭ پاتەرىندە ءتىنتۋ جۇرگىزۋ كەزىندە امەريكاندىق بيلىك تىيىم سالىنعان ماتەريالداردى تاپقان. ونى ۇستاعاننان كەيىن بريتاندىق بيلىككە حابارلاماي، اقش اسكەري بازاسىنا جەتكىزگەن.
گازەتتىڭ جازۋىنشا، 24 تامىزدا، ۇستاۋدان ءبىر كۇن بۇرىن، ۇشاق چيكاگودان گلوستەرشير گرافتىعىنداعى امەريكاندىق كونتينگەنت ورنالاسقان فەرفورد اسكەري بازاسىنا ۇشقان. كەلەسى كۇنى سول ۇشاق فەرفوردتان ۇشىپ، اقش اسكەري-اۋە كۇشتەرىنىڭ دوۆەر بازاسىنا كەلىپ قونعان، سودان كەيىن ول جەردەن ۇشىپ، چيكاگونىڭ و’حارا اۋەجايىنا قونعان. بۇل Boeing جۇك ۇشاعى رەتىندە تىركەلگەن.
لوندون پوليسياسى مەن بريتاندىق بيلىك ديپلومات اكەتىلگەننەن كەيىن عانا حاباردار بولعان.
«ولار رەيد جۇرگىزگەن كەزدە، اسىرەسە ماتەريالداردى تاپقاندا سكوتلەند-ياردقا حابارلاۋى كەرەك ەدى. (...) ءبىزدىڭ ويىمىزشا، ونىڭ ورنىنا ونى امەريكاندىق اسكەري بازاعا جەتكىزىپ، 4 مىڭنان استام ميل (6،5 مىڭ كم) جەرگە — اعاسىنا قاتىستى تەرگەۋ جۇرگىزىلىپ جاتقان جەرگە جونەلتتى»، — دەدى دەرەككوز.
جاسىرىن وپەراسيانى لوندونداعى ەلشىلىكتى كۇزەتەتىن اقش تەڭىز جاياۋ اسكەرى كورپۋسىنىڭ قاۋىپسىزدىك قىزمەتكەرلەرى جۇرگىزگەن بولۋى مۇمكىن، ولار ديپلوماتتى امەريكاندىق اسكەري كولوننا قۇرامىندا بازاعا جەتكىزگەن.
امەريكاندىق ەلشىلىكتە قىزمەتكەرگە قاتىستى ايىپتاۋلار تۋرالى حاباردار ەكەنىن راستادى. وندا بارلىق قىزمەتكەردەن مىنەز-ق ۇلىقتىڭ ەڭ جوعارى ستاندارتتارىن ساقتاۋدى تالاپ ەتەتىنىن جانە مۇنداي ايىپتاۋلارعا بايىپتى قارايتىنىن مالىمدەدى.