اقش-تا COVID-19 ۆاكسيناسى مەن اسكەري قىزمەتشىلەردىڭ قازاسى اراسىنداعى ىقتيمال بايلانىس تەرگەلۋدە، دەپ حابارلايدى infohub.kz.
Politico باسىلىمىنىڭ دەرەگىنشە، اسكەري دارىگەر تەرەزا لونگ سوتتا بەرگەن جاۋابىندا دەنساۋلىق ساقتاۋ ءمينيسترى روبەرت كەننەدي-كىشى جانە قورعانىس ءمينيسترى پيت حەگسەتپەن بىرگە اسكەريلەردىڭ قازاسى ءمان-جايىن انىقتاپ جاتقانىن ايتقان. تەرگەۋ 2021 جىلى پرەزيدەنت دجو بايدەن بارلىق اسكەري قىزمەتشىلەر ءۇشىن مىندەتتى ۆاكسيناسيانى ەنگىزگەننەن كەيىن باستالدى.
لونگ مەملەكەتتىك جاناما اسەرلەر تۋرالى حابارلاۋ جۇيەسىندە تىركەلگەن ۆاكسيناسيادان كەيىنگى 2،5 مىڭنان استام راستالماعان ءولىم جاعدايىن زەرتتەپ جاتىر. دارىگەردىڭ ايتۋىنشا، وعان ەكپە سالدارىنان بولۋى مۇمكىن 28 ءولىم جاعدايى بەلگىلى.
باسىلىم دەنساۋلىق ساقتاۋ ءمينيسترى كەننەديدىڭ COVID-19 ۆاكسينالارىنىڭ بەلسەندى قارسىلاسى ەكەنىن، ولاردى «ەڭ ءقاۋىپتى» دەپ اتايتىنىن اتاپ وتەدى. جاقىندا ول امەريكاندىقتاردىڭ كوپشىلىگىنە جىل سايىنعى ۆاكسيناسيا تۋرالى ۇكىمەتتىك ۇسىنىستى جويدى. سونىمەن قاتار، ۆاكسيناسيا سالاسىنداعى كوپتەگەن ساراپشىلار ءمينيستردىڭ پىكىرىمەن كەلىسپەيدى.