اقش قارۋلى كۇشتەرىنىڭ ورتالىق قولباسشىلىعى (CENTCOM) يراننىڭ بەس مۇناي تانكەرىن جويعانىن حابارلاپ، ءتيىستى بەينەجازبانى X الەۋمەتتىك جەلىسىندە جاريالادى، دەپ حابارلايدى infohub.kz.
امەريكالىق اسكەريلەردىڭ مالىمدەۋىنشە، 8 قىركۇيەكتە CENTCOM كۇشتەرى يراننىڭ شيكى مۇناي تاسىمالدايتىن بەس كەمەسىن جويدى. بۇل يسلام رەۆوليۋسياسى ساقشىلارى كورپۋسى (يرسك) سوڭعى ەكى كۇندە امەريكاندىق اسكەري كەمەگە ەكى رەت بالليستيكالىق زىمىرانمەن شابۋىل جاساعاننان كەيىن بولدى.
ۆەدومستۆو اقش كەمەسى يراندىق شابۋىلداردان ءساتتى قۇتىلعانىن، اسكەري قىزمەتكەرلەردىڭ زارداپ شەكپەگەنىن اتاپ ءوتتى.
بۇعان دەيىن يران يوردانياداعى امەريكاندىق اسكەري بازالارعا جاپپاي زىمىراندىق سوققى جاساعان بولاتىن. سونىمەن قاتار، يرسك ورمۋز بۇعازىندا امەريكاندىق سۋاستى ۇشقىشسىز اپپاراتىن باسىپ العانىن حابارلادى.