وتكەن ءتۇنى امەريكان اسكەريلەرى يران اۋماعىنداعى نىسانالارعا بىرنەشە سوققى بەرىپ، 100-گە جۋىق نىسانانى قامتىدى. پەنتاگوننىڭ ورتالىق قولباسشىلىعى (CENTCOM) شابۋىلدار يسلام رەۆوليۋسياسى ساقشىلارى كورپۋسىنىڭ (يرسك) پوزيسيالارىنا، ونىڭ ىشىندە اۋە قورعانىس جۇيەلەرىنە، راديولوكاسيالىق ستانسيالارعا، تەڭىز ينفراقۇرىلىمىنا، مينا قويۋ قۇرالدارىنا جانە بايلانىس توراپتارىنا باعىتتالعانىن حابارلادى، دەپ حابارلايدى infohub.kz.
CENTCOM-نىڭ X الەۋمەتتىك جەلىسىندە جاريالانعان رەسمي مالىمدەمەسىندە بۇل سوققىلار يرسك-تىڭ ورمۋز بۇعازىنداعى كوممەرسيالىق كەمەلەر مەن امەريكان اسكەري قىزمەتكەرلەرىنە شابۋىل جاساۋ ارەكەتتەرىنە جاۋاپ ەكەنى اتاپ وتىلگەن. Axios باسىلىمىنىڭ دەرەگىنشە، امەريكان شەنەۋنىكتەرى شابۋىل كەزىندە 100-گە جۋىق نىسانانىڭ جويىلعانىن راستاعان.
سونىمەن قاتار، اقش اسكەريلەرى وسى سوققىلار اياسىندا يران ۇكىمەتىنە تيەسىلى ەكى تانكەرگە دە شابۋىل جاساعانى حابارلانادى. باسىلىمنىڭ اتاپ وتۋىنشە، بۇل — امەريكان اسكەريلەرىنىڭ يراننىڭ ورمۋز بۇعازىنداعى كەمەلەرگە شابۋىلىنا جاۋاپ رەتىندە يراندىق تانكەرلەرگە سوققى بەرگەن العاشقى جاعداي، بۇرىن مۇنداي ارەكەتتەر تەڭىز بلوكاداسىن بۇزۋعا جول بەرمەۋ ماقساتىندا عانا جاسالاتىن.
الدىڭعى كۇنى يران پرەزيدەنتى ماسۋد پەزەشكيان بىشكەكتە وتكەن شانحاي ىنتىماقتاستىق ۇيىمى (شىۇ) سامميتىندە اقش-پەن تاتۋلاسۋعا قايتا ورالۋ شارتىن اتاعان ەدى. بۇگىن اقش-تىڭ جاڭا شابۋىلدارى بەلگىلى بولدى: پروۆينسيالاردىڭ بىرىندە ۇيلەنۋ تويىنا سوققى بەرىلىپ، بەس ادام قازا تاۋىپ، 70-كە جۋىق ادام جاراقات العانى حابارلانۋدا. يران پارلامەنتىنىڭ ۇلتتىق قاۋىپسىزدىك جانە سىرتقى ساياسات جونىندەگى كوميتەتىنىڭ ءتوراعاسى ەبراحيم ازيزي تەگەران بۇل شابۋىلدى جاۋاپسىز قالدىرمايتىنىن مالىمدەدى.
اقش پرەزيدەنتى دونالد ترامپ يراندى كەلىسسوز ۇستەلىنە وتىرعىزۋعا تىرىسپايتىنىن، ويتكەنى قازىرگى جاعداي وعان ۇنايتىنىن ايتتى.