اقش پەن يران ءبىر-بىرىنىڭ كەمەلەرىنە جاۋاپ سوققىلارىن جاسادى. بۇل — ءبىر اپتا بۇرىن قايتا باستالعان ۇرىس قيمىلدارىنان كەيىنگى شيەلەنىستىڭ جاڭا كەزەڭى. ءبىر ايلىق سالىستىرمالى تىنىشتىقتان سوڭ قاقتىعىس قايتا ءورشىدى. اقش ورتالىق قولباسشىلىعى (CENTCOM) ءوزىنىڭ X الەۋمەتتىك جەلىسىندەگى پاراقشاسىندا يراننىڭ ءۇش مۇناي تانكەرىنە سوققى جاسالعانىن حابارلادى. بۇل — يسلام رەۆوليۋسياسى ساقشىلارى كورپۋسىنىڭ (كسير) ەكى امەريكاندىق اسكەري كەمەگە بالليستيكالىق زىمىران ۇشىرۋىنا جاۋاپ رەتىندە جاسالدى. «امەريكاندىق اۆياتاسىمالداۋشى جانە باسقارىلاتىن زىمىراندى ەسمينەس يراننىڭ كوپتەگەن ارانداتۋشىلىق شابۋىلدارىنان ءساتتى قۇتىلدى. امەريكاندىق اسكەري قىزمەتكەرلەردىڭ ەشقايسىسى زارداپ شەككەن جوق. يراننىڭ ءساتسىز شابۋىلدارىنان كەيىن CENTCOM حارگ ارالىنىڭ جاعالاۋىنداعى كسير-دىڭ M/T Downy جانە دجاسك ماڭىنداعى M/T Stark 1 تانكەرلەرىن ارەكەتكە جارامسىز ەتتى. امەريكاندىق كۇشتەر ومان شىعاناعىنداعى جۇكسىز M/T Kylo („نوكسەن“ دەگەن اتپەن بەلگىلى) تانكەرىن دە تولىعىمەن جويدى. ەكيپاج كەمەنى تاستاپ كەتكەننەن كەيىن، كەمەگە بىرنەشە ماڭىزدى نۇكتەدە سوققى جاسالىپ، ول پايدالانۋعا جارامسىز بولدى»، — دەلىنگەن حابارلامادا، دەپ مالىمدەيدى infohub.kz سايتى.

CENTCOM دەرەكتەرى بويىنشا، شابۋىلعا ۇشىراعان يراندىق مۇناي تانكەرلەرى كسير مەن ونىڭ ايماقتاعى سەرىكتەستەرىن قارجىلاندىراتىن ميللياردتاعان دوللارلىق كولەڭكەلى جەلىنىڭ بولىگى بولىپ تابىلادى. يراننىڭ ولاردى قورعاۋعا مۇمكىندىگى جوق دەپ مالىمدەنەدى. «يسلام رەۆوليۋسياسى ساقشىلارى كورپۋسىنا ايتارىمىز انىق بولسىن: ەگەر سەندەر ءبىزدىڭ ەكى كەمەمىزگە وق اتساڭدار، ءبىز سەندەردىڭ ءۇش كەمەڭدى جويىپ، ودان دا ۇلكەن ەكونوميكالىق زالال كەلتىرەمىز. ءبىز امەريكاندىق كۇشتەردى قورعاۋدان تارتىنبايمىز، قاجەت بولسا، يراننىڭ شەكتەۋلى جانە وسال مۇناي فلوتىن جويامىز»، — دەدى اقش ورتالىق قولباسشىلىعىنىڭ قولباسشىسى برەد كۋپەر.

ءۆۆس-تىڭ جازۋىنشا، يراندىق مەملەكەتتىك ب ا ق سوققىلاردى راستاپ، تەگەران جاۋاپ رەتىندە اقش-قا قاتىستى ءۇش كەمەگە، سونداي-اق ورمۋز بۇعازى ارقىلى „رۇقسات ەتىلمەگەن“ باعىتتا ءجۇزىپ وتكەن ءۇش مۇناي تانكەرىنە شابۋىل جاساعانىن مالىمدەدى. سونىمەن قاتار، ريا ءنوۆوستيدىڭ حابارلاۋىنشا، اقش سوققىلارىنان كەيىن „حاتام ءال-انبيا“ اسكەري قولباسشىلىعى ورتالىق شتابىنىڭ رەسمي وكىلى يبراحيم زولفاعاري مالىمدەمە جاسادى. „ءبىز اقش اسكەرىن ەسكەرتەمىز: ەگەر ولار ءوز ز ۇلىمدىقتارىن جالعاستىرىپ، يراندىق كەمەلەردى قۋدالاپ، ولاردى قاۋىپ-قاتەرگە ۇشىراتىپ، يرانعا تەڭىز بلوكاداسىن جالعاستىرسا، يران قارۋلى كۇشتەرىنىڭ تاياۋ شىعىستاعى اقش اسكەري كەمەلەرىنە سوققىلارى بۇرىنعىدان دا كۇشتى بولادى“، — دەدى زولفاعاري، ونى يراندىق Fars اگەنتتىگى كەلتىرەدى.