اقش پارسى شىعاناعىندا يراننىڭ مۇناي تانكەرلەرىنە جاۋاپ سوققى بەرىپ، ءۇش كەمەنى جويدى. بۇل يران تاراپىنان ەكى امەريكاندىق اسكەري كەمەگە بالليستيكالىق زىمىران ۇشىرىلعاننان كەيىن بولدى، دەپ حابارلايدى infohub.kz.
اقش ورتالىق قولباسشىلىعىنىڭ (CENTCOM) مالىمەتىنشە، امەريكاندىق كۇشتەر يسلام رەۆوليۋسياسى ساقشىلارى كورپۋسىنىڭ (كسير) اۆياتاسىمالداۋشى مەن باسقارىلاتىن زىمىراندىق ەسمينەسكە باعىتتالعان بىرنەشە شابۋىلىن تويتارىپ ۇلگەردى. وقيعا سالدارىنان امەريكاندىق اسكەري قىزمەتشىلەردىڭ ەشقايسىسى زارداپ شەككەن جوق.
اقش ورتالىق قولباسشىلىعىنىڭ قولباسشىسى ادميرال برەد كۋپەر سەنبى كۇنى: «ءبىزدىڭ كسير-گە جولداعان بەلگىمىز وتە ايقىن: ەگەر سىزدەر ءبىزدىڭ ەكى كەمەمىزگە اتىس جاساساڭىزدار، ءبىز سىزدەردى ودان دا جوعارى ەكونوميكالىق باعا تولەۋگە ءماجبۇر ەتەمىز — ءۇش كەمەڭىزدى جويامىز»، — دەدى.
«ءبىز امەريكاندىق كۇشتەردى قورعاۋ ءۇشىن ەش ويلانباستان ارەكەت ەتەمىز جانە قاجەت بولسا، يراننىڭ شەكتەۋلى ءارى وسال مۇناي فلوتىن جويامىز»، — دەپ قوستى كۋپەر.
بۇعان دەيىن يران اقش يسلام رەسپۋبليكاسىنىڭ كەمەلەرىنە شابۋىلدارىن توقتاتپاسا، امەريكاندىق اسكەري كەمەلەرگە سوققىلاردى كۇشەيتۋدى جوسپارلاپ وتىرعانى حابارلانعان بولاتىن. مۇنداي ەسكەرتۋدى «حاتام ءال-انبيا» اسكەري قولباسشىلىعىنىڭ ورتالىق شتابىنىڭ وكىلى ەبراحيم زولفاگاري جاسادى، دەپ حابارلايدى Fars.
«ەگەر ز ۇلىمدىقتار جالعاسىپ، تۇراقسىزدىق تۋعىزىلىپ، يراندىق كەمەلەرگە كەدەرگى جاسالىپ، يرانعا تەڭىز بلوكاداسى قولدانىلسا، يسلام رەسپۋبليكاسىنىڭ قارۋلى كۇشتەرىنىڭ ايماقتاعى اقش اسكەري كەمەلەرىنە سوققىلارى بۇرىنعىدان دا اۋىر بولادى»، — دەپ ءقاۋىپ ءتوندىردى زولفاگاري.
ول سونداي-اق تەگەراننىڭ «بۇل شابۋىلداردى كەڭەيتۋ» مۇمكىندىگىن قاراستىرىپ جاتقانىن اتاپ ءوتتى.