اقش قارۋلى كۇشتەرىنىڭ ورتالىق قولباسشىلىعى (CENTCOM) يراننىڭ اسكەري الەۋەتىن السىرەتۋ ءۇشىن جاڭا شابۋىلدار سەرياسىن جۇرگىزگەنىن حابارلادى، دەپ حابارلايدى infohub.kz.
سارسەنبى كۇنى، 15 شىلدەدە، CENTCOM X الەۋمەتتىك جەلىسىندە يرانعا جاڭا سوققىلار تولقىنى باستالعانى تۋرالى مالىمدەمە جاريالادى. وپەراسيا شىعىس ۋاقىتى بويىنشا ساعات 06:00-دە (استانا ۋاقىتىمەن 15:00) باستالدى. «سوققىلاردىڭ ماقساتى – يران كۇشتەرىنىڭ ورمۋز بۇعازىنداعى ساۋدا كەمەلەرىنە شابۋىل جاساۋ ءۇشىن قولدانعان اسكەري مۇمكىندىكتەرىن ودان ءارى السىرەتۋ»، – دەلىنگەن حابارلامادا.
بۇعان دەيىن CENTCOM 90 مينۋتقا سوزىلعان سوققىلار سەرياسىنىڭ اياقتالعانىن مالىمدەگەن ەدى. امەريكاندىق اسكەريلەر جاعالىق قورعانىس جۇيەلەرىنە، سونداي-اق ۇلكەن تونب ارالىنداعى قاناتتى زىمىرانداردى ساقتاۋ جانە ۇشىرۋ ورىندارىنا جوعارى دالدىكتى وق-دارىلەرمەن سوققى بەردى. يراندا ازىرگە ەشقانداي زاقىم تۋرالى حابارلاماعان.
ەسكە سالا كەتەيىك، اقش پەن يران اراسىنداعى سوققىلار الماسۋ ءبىر اپتا بۇرىن، انكاراداعى ناتو ءسامميتى قارساڭىندا باستالعان ەدى. كەيىن اق ءۇي باسشىسى اتىستى توقتاتۋ رەجيمى اياقتالعانىن، الايدا ۆاشينگتوننىڭ كەلىسسوزدەرگە دايىن ەكەنىن مالىمدەدى. جاقىندا يران سىرتقى ىستەر ءمينيسترىنىڭ ورىنباسارى كازەم گاريبابادي دا اقش-پەن بەيبىت كەلىسىمنىڭ كۇشى جويىلعانىن حابارلادى.