اقش مەملەكەتتىك حاتشىسى ماركو رۋبيو ۆەنەسۋەلادا پرەزيدەنتتىك سايلاۋ وتكىزۋ تۋرالى پىكىر ءبىلدىرىپ، ولار ەلدەگى جاعداي تۇراقتانعاننان كەيىن ءوتۋى ءتيىس ەكەنىن اتاپ ءوتتى، دەپ حابارلايدى infohub.kz.
ماركو رۋبيونىڭ ايتۋىنشا، ۆەنەسۋەلادا زاڭدى سايلاۋ وتكىزۋ قاجەت، الايدا ءقازىر «باستى باسىمدىق — ەلدەگى جاعدايدى تۇراقتاندىرۋ». «سايىپ كەلگەندە، بيلىكتى بەرۋ قاجەت. ءبىر ساتتە بارلىق دەڭگەيدە زاڭدى سايلاۋ ءوتۋى كەرەك، ادامدار ۇكىمەتتىڭ زاڭدى بيلىككە يە ەكەنىن جانە حالىق تاڭداعانىن ءبىلۋى ءۇشىن. بۇعان العاشقى قادام — ۇلتتىق تاتۋلاسۋ»، — دەدى رۋبيو.
ول سونداي-اق ۆەنەسۋەلادا كوپتەگەن ەكونوميكالىق ماسەلەلەردى شەشۋ قاجەت ەكەنىن اتاپ ءوتتى. بۇعان دەيىن ۆەنەسۋەلا ۆيسە-پرەزيدەنتى دەلسي رودريگەس ەلدە جاڭا سايلاۋ رەسپۋبليكانىڭ بارلىق ساياسي كۇشتەرى دايىن بولعان كەزدە وتەتىنىن مالىمدەگەن ەدى.
ەسكە سالايىق، 3 قاڭتارعا قاراعان ءتۇنى كاراكاستا جارىلىستار بولدى. وسىدان كەيىن ترامپ اقش اۋقىمدى سوققىلار جاساعانىن، ال ۆەنەسۋەلا پرەزيدەنتى نيكولاس مادۋرو ايەلىمەن بىرگە تۇتقىندالىپ، ەلدەن شىعارىلعانىن مالىمدەدى. كوپ ۇزاماي مادۋرو مەن ونىڭ جۇبايى نيۋ-يورك سوتىندا سويلەپ، وزدەرىنە تاعىلعان ايىپتار بويىنشا كىناسىن مويىندامايتىنىن ايتتى. سونداي-اق مادۋرو ءوزىن «سوعىس تۇتقىنى» دەپ اتادى. ۆەنەسۋەلا جوعارعى سوتى ەل ۆيسە-پرەزيدەنتى دەلسي رودريگەس پرەزيدەنت مىندەتىن ۋاقىتشا اتقاراتىنىن شەشتى.