ساۋد ارابياسى ازاماتتىق اتوم باعدارلاماسى اياسىندا ۋراندى ءوز بەتىنشە بايىتۋ قۇقىعىنا يە بولۋى مۇمكىن — دونالد ترامپ اكىمشىلىگى كەلىسىمنىڭ ءتيىستى شارتتارىن الدىن الا ماقۇلدادى، دەپ حابارلايدى infohub.kz.
كەلىسىمنىڭ باستى ماسەلەسى — ەر-ريادتى يادرولىق قارۋ جاساۋ مۇمكىندىگىنەن باس تارتۋعا جانە اتوم ەنەرگياسى جونىندەگى حالىقارالىق اگەنتتىك تاراپىنان كەڭەيتىلگەن تەكسەرۋلەردى قامتاماسىز ەتۋگە مىندەتتەيتىن قاتاڭ كەپىلدىكتەردىڭ بولماۋى.
CNN ساۋالناماسىنا قاتىسقان ساراپشىلار ەسكەرتەدى: ەگەر ساۋد ارابياسى ماگاتە-نىڭ قوسىمشا حاتتاماسىنا قوسىلماي، ۋراندى بايىتۋ قۇقىعىن السا، بۇل ەلدىڭ ءوز يادرولىق الەۋەتىن جاساۋ جولىن ايتارلىقتاي قىسقارتۋى مۇمكىن.
بۇعان دەيىن ساۋد ارابياسىنىڭ تاق مۇراگەرى مۇحاممەد بين سالمان يراندا يادرولىق قارۋ پايدا بولعان جاعدايدا كورولدىك تە وسىنداي مارتەبەگە يە بولۋعا ۇمتىلاتىنىن مالىمدەگەن بولاتىن.
ۆاشينگتون مەن ەر-رياد اراسىنداعى اتوم سالاسىنداعى ىنتىماقتاستىق جونىندەگى كەلىسسوزدەر 2025 جىلدىڭ كۇزىندە اياقتالعان بولاتىن، الايدا كەلىسىمگە ازىرشە اقش پرەزيدەنتى قول قويعان جوق. CNN دەرەكتەرىنە سايكەس، پروسەسس، اتاپ ايتقاندا، اقش پەن ءيزرايلدىڭ يرانعا قارسى سوعىسىنىڭ باستالۋىنا بايلانىستى تەجەلدى.