امەريكا ادىلەت جۇيەسى مەملەكەت باسشىسىنىڭ ءباسپاسوزدى شەكتەۋ قۇقىعىنا كۇمان كەلتىرەتىن ۇكىم شىعاردى: CNN، MS NOW جانە Politico تىلشىلەرىنىڭ بەلىي دومعا كىرىۋىنە تىيىم سالۋ زاڭسىز دەپ تانىلدى، دەپ حابارلايدى infohub.kz سايتى.
Deutsche Welle اگەنتتىگىنىڭ مالىمەتىنشە، سۋديا تيموتي كەللي اقش پرەزيدەنتى دونالد ترامپتىڭ جۋرناليستەردىڭ رۇقساتتارىن جويۋ تۋرالى شەشىمى «ولاردىڭ كونستيتۋسيالىق قۇقىقتارىن بۇزۋى مۇمكىن» دەپ قاۋلى ەتتى. سوت قاۋلىسىندا امەريكاندىق اكىمشىلىك وسى باسىلىمدار وكىلدەرىنىڭ بەلىي دومعا كىرۋىن قالپىنا كەلتىرۋگە مىندەتتى ەكەنى كورسەتىلگەن.
ەسكە سالايىق، 18 قىركۇيەكتە اقش پرەزيدەنتى CNN، MS NOW جانە Politico تىلشىلەرىنىڭ بەلىي دومعا كىرۋىنە تىيىم سالاتىنىن مالىمدەپ، بۇنى اتالعان باسىلىمدار جالعان جاڭالىقتار تاراتادى دەپ تۇسىندىرگەن بولاتىن. كەلەسى كۇنى-اق وسى رەداكسيالاردىڭ جۋرناليستەرى عيماراتقا كىرگىزىلمەگەنىن حابارلادى.
كەيىنىرەك دونالد ترامپ وسى جاڭالىق ۇيىمدارىنىڭ لوگوتيپتەرى بار قوقىس قاپتارىنىڭ سۋرەتىن جاريالادى.
وسىدان كەيىن جۋرناليستەرىنە بەلىي دومعا كىرۋگە تىيىم سالىنعان CNN، MSNBC جانە Politico پرەزيدەنت دونالد ترامپقا قارسى سوتقا شاعىم تۇسىرگەنى بەلگىلى بولدى. جانجال اياسىندا ءبىرقاتار جەتەكشى امەريكاندىق ب ا ق پرەزيدەنت اكىمشىلىگىنە بويكوت جاريالادى — تەلەارنالار بەلىي دوم باسشىسى قاتىساتىن ءىس-شارالاردى پۋلدىق جاريالاۋدى توقتاتتى.