ۇلتتىق مۇحيت جانە اتموسفەرا باسقارماسىنىڭ (NOAA) مالىمەتىنشە، اقش-تىڭ قۇرلىقتاعى بولىگىندە شىلدە ايى تاريحتاعى ەڭ ىستىق اي بولىپ تىركەلدى. وتكەن ايدا ەلدىڭ تومەنگى 48 شتاتىندا ورتاشا تەمپەراتۋرا 76،89 گرادۋس فارەنگەيتتى (24،94 گرادۋس سەلسي) قۇرادى. بۇل 1936 جىلعى شاڭدى داۋىل كەزەڭىندەگى شىلدە ايىنان 0،125 گرادۋسقا جوعارى، دەپ حابارلايدى infohub.kz.
الياسكادا ادەتتەن تىس سالقىن بولعانىمەن، تومەنگى 48 شتاتتا اۋا تەمپەراتۋراسى قالىپتىدان جوعارى بولدى. ەڭ جوعارى ىستىق تاۋلى باتىس، وڭتۇستىك-باتىس، سولتۇستىك جازىقتار جانە وڭتۇستىك-شىعىس ايماقتارىندا بايقالدى. ىستىقتىڭ نەگىزگى سەبەبى — تۇنگى تەمپەراتۋرانىڭ جوعارى بولۋى. ادامدار مەن اۋىل شارۋاشىلىعى ءۇشىن ماڭىزدى تۇنگى ەڭ تومەنگى تەمپەراتۋرا الدىڭعى رەكوردتان 0،7 گرادۋسقا جوعارى بولدى، دەپ مالىمدەدى NOAA. عالىمداردىڭ پىكىرىنشە، ءتۇننىڭ جىلى بولۋى — ادام ارەكەتىنەن تۋىنداعان كليماتتىق وزگەرىستىڭ كلاسسيكالىق بەلگىسى.