اقتاۋ تۇرعىنى، بلوگ جۇرگىزۋشى، ءوزىنىڭ Instagram پاراقشاسىنا تەرگەۋ ارەكەتتەرىنىڭ ۆيدەوسىن جاريالاعان. كادرلاردا قىلمىستىق ءىس بويىنشا جابىرلەنۋشى رەتىندە ءوتىپ جۇرگەن ەكى جەرگىلىكتى تۇرعىن كورىنگەن. ولار وزدەرىنىڭ كەلىسىمىنسىز سۋرەتتەرى پايدالانىلعانىن ايتىپ، سوتقا جۇگىنىپ، ۆيدەونى الىپ تاستاۋدى جانە مورالدىق زالال ءۇشىن وتەماقى تولەۋدى تالاپ ەتكەن. بۇل تۋرالى infohub.kz حابارلايدى.
سوت وتىرىسىندا بلوگەر ءوزىن قوعام قايراتكەرى نەمەسە شتاتتان تىس جۋرناليست دەپ مالىمدەگەن، الايدا بۇل دالەلدەر ەسكەرىلمەگەن. سوت جاريالانعان ۆيدەو بەينەلەنگەن ادامداردىڭ كەلىسىمى قاجەت ەتىلمەيتىن ماتەريالدار ساناتىنا جاتپايتىنىن اتاپ وتكەن.
ناتيجەسىندە سوت ۆيدەو جاريالاۋدى زاڭسىز دەپ تانىپ، بلوگەردى ونى ءوز پاراقشاسىنان الىپ تاستاۋعا جانە ءاربىر تالاپكەرگە مورالدىق زالال ءۇشىن 200 مىڭ تەڭگەدەن وتەماقى تولەۋگە مىندەتتەگەن. جالپى تولەم سوماسى 400 مىڭ تەڭگەنى قۇراعان. سوت شەشىمى زاڭدى كۇشىنە ەنگەن.