دجەكي چان قاتىسقان جاڭا ءفيلمنىڭ العاشقى ءتۇسىرىلىم كۇنى اقتاۋدا رەسمي تۇردە باستالدى، دەپ حابارلايدى infohub.kz.
Salem Entertainment كومپانياسى جوبانىڭ باستالۋ راسىمىنەن كادرلار جاريالادى. ءداستۇر بويىنشا توپ كىنو تارەلكا سىندىرىپ، «دوسپەحي بوگا: ۋلتيماتۋم» ءفيلمىنىڭ تۇسىرىلىمىنە سيمۆولدىق ستارت بەردى. راسىمگە رەجيسسەر روبەرت كۋن جانە دجەكي چاننىڭ ءوزى قاتىستى.
Salem Entertainment بۇل قازاقستاندىق كينەماتوگراف ءۇشىن تاريحي وقيعا ەكەنىن اتاپ ءوتتى. ءتۇسىرىلىمنىڭ ءبىر بولىگى قازاقستاندا وتەدى، ال ءفيلمنىڭ نەگىزگى ءتۇسىرىلىم ورىندارىنىڭ ءبىرى اقتاۋ بولىپ وتىر.
جاريالانعان كادرلاردا دجەكي چان سيمۆولدىق كىنو تارەلكا ۇستاپ، ءتۇسىرىلىم توبىمەن سويلەسىپ تۇرعان ساتتە بەينەلەنگەن.
پىكىرلەردە قولدانۋشىلار ءتۇسىرىلىم توبىن جۇمىستىڭ باستالۋىمەن قۇتتىقتاۋدا. «ءتانتى بولدىم، قۇتتىقتايمىن»، «تەك العا»، «جارايسىڭدار! ساتتىلىك، جىگىتتەر!»، «بالالىق شاعىمىزدىڭ كەيىپكەرى»، — دەپ جازادى ولار.
بۇعان دەيىن ماڭعىستاۋ وبلىسىنىڭ اكىمى نۇرداۋلەت قيلىباي حالىقارالىق «دوسپەحي بوگا 4: ۋلتيماتۋم» ءفيلمىنىڭ تۇسىرىلىمىنە قاتىسۋعا كەلگەن دجەكي چانمەن كەزدەسكەن. اكىمدىكتىڭ مالىمەتىنشە، نەگىزگى ءتۇسىرىلىم الاڭدارىنىڭ ءبىرى بوزجىرا شاتقالى بولادى.