اقتاۋ قالاسىنىڭ اكىمدىگى الەۋمەتتىك جەلىلەردە پايدا بولعان، اۆتوگاز قۇيۋ ستانسيالارىنداعى كەزەكتەر تۇسىرىلگەن بەينەجازبالارعا تۇسىنىك بەردى، دەپ حابارلايدى inbusiness.kz.
مونيتورينگ دەرەكتەرى بويىنشا، 19 شىلدەدە ساعات 12:00-دە اقتاۋدا 32 اۆتوگاز قۇيۋ ستانسياسى جۇمىس ىستەپ، تۇتىنۋشىلارعا قىزمەت كورسەتۋدە. اكىمدىكتە بارلىق جۇمىس ىستەپ تۇرعان ستانسيالاردا سۇيىتىلعان مۇناي گازىنىڭ بولشەك ساۋدا باعاسى 72 تەڭگە ەكەنىن اتاپ ءوتتى.
اكىمدىك وكىلدەرى: «كەزەكتەر جاعدايى تۇراقتى دەپ باعالانۋدا. قالا شەتىندەگى اۆتوگاز قۇيۋ ستانسيالارىندا كەزەكتەر از. جۇمىس ىستەپ تۇرعان ستانسيالاردا ورتا ەسەپپەن 3-تەن 15-كە دەيىن اۆتوكولىك تىركەلەدى، ال كەيبىر ستانسيالاردا كەزەك مۇلدەم جوق» — دەپ مالىمدەدى.
اكىمدىك قىزمەتكەرلەرى جاعدايدى باقىلاۋدا ۇستاپ وتىرعاندارىن اتاپ ءوتىپ، تۇرعىنداردى رەسمي اقپارات كوزدەرىنە سۇيەنۋگە شاقىردى.