18 جاسقا تولعان كۇنى جاس جىگىت دوستارىمەن دەمالىپ ءجۇرىپ جوعالىپ كەتكەن ەدى. ونىڭ دەنەسى اقتاۋ ماڭىنداعى كاسپي تەڭىزىنەن تابىلدى، دەپ حابارلايدى infohub.kz سايتى.
ماڭعىستاۋ وبلىسى توتەنشە جاعدايلار دەپارتامەنتىنىڭ مالىمەتىنشە، ىزدەستىرۋ-قۇتقارۋ جۇمىستارى كاسپي تەڭىزىنىڭ جابدىقتالماعان جاعالاۋ بولىگىندە جۇرگىزىلگەن. 18 جاسار ازامات دۇيسەحانوۆتىڭ ءمايىتى 15 شىلدەدە اقتاۋدان شامامەن 51 شاقىرىم جەردە، جاعالاۋ سىزىعىنان نەبارى 10 مەتر قاشىقتىقتا تابىلدى.
قۇتقارۋشىلار ءمايىتتى سۋدان الىپ، پوليسيا قىزمەتكەرلەرىنە تاپسىردى.
ايتا كەتەيىك، ازامات دۇيسەحانوۆ 7 شىلدە كۇنى تۇستە «O'Mir» كۋرورتتىق ءقوناقۇيىنىڭ ماڭىندا جوعالعان. سول كۇنى ول ءوزىنىڭ كامەلەتكە تولۋ مەرەكەسىن تويلاپ جاتقان بولاتىن.