اقتاۋدا اپات بولدى: كاتەر جارتاسقا سوعىلىپ، ەكى ادام قازا تاپتى. قۇتقارۋشىلار وپەراسيا بارىسى تۋرالى ايتىپ بەردى، دەپ حابارلايدى infohub.kz.
ماڭعىستاۋ وبلىستىق تجد توتەنشە جاعدايلاردى جويۋ باسقارماسىنىڭ باستىعى باقىتجان وسەنوۆتىڭ ايتۋىنشا، كەمە تەڭىزدەن شىعىپ تۇرعان جارتاس بولىگىنە سوعىلعان. بورتتاعى جەتى ادامنىڭ بارلىعى سۋعا ءتۇسىپ، ءارتۇرلى دارەجەدەگى جاراقات العان.
ىزدەۋ-قۇتقارۋ جۇمىستارى تۇنگى ۋاقىتتا جۇرگىزىلدى، بۇل تاپسىرمانى ايتارلىقتاي قيىنداتتى. كوپ ۇزاماي سۋعا باتقان كاتەر تۇبىنەن تابىلدى. تجد قىزمەتكەرلەرى زارداپ شەككەن بەس ادامدى سۋدان شىعاردى. تاعى ەكەۋىن ىزدەۋ ۇزاققا سوزىلدى: ولار جاعادان شامامەن 500 مەتر قاشىقتىقتا تابىلدى. ەكەۋىنىڭ دە قۇتقارۋ كەۋدەشەسىن كيمەگەنى انىقتالدى.
سوڭعى زارداپ شەگۋشىنى سۋدان 02:34-تە شىعاردى. وكىنىشكە قاراي، ەكى ادام قايتىس بولدى.
سونىمەن قاتار، اقتاۋداعى كاتەر جالداۋمەن اينالىساتىن كاسىپكەرلەر Instagram-دا ۇندەۋ جازىپ، سىنعان كەمەنىڭ ەكسكۋرسيالىق ەمەس ەكەنىن اتاپ ءوتتى. «بۇل كاتەردىڭ بىزگە ەش قاتىسى جوق. بۇل ءبىز قوناقتار مەن تۋريستەرگە جالعا بەرەتىن سەرۋەندىك كاتەر ەمەس. كاتەردەگى ادامدار — تۋىستار، ءبىر وتباسى. مەنىڭ تۇسىنۋىمشە، ولار كاتەردى سۋعا ءتۇسىرىپ، وزدەرى سەرۋەندەگىسى كەلگەن. ونى كوممەرسيالىق ماقساتتا پايدالانباعان. وكىنىشكە قاراي، كاتەر يەسى دە وسى اپاتتا قازا تاپتى. تەڭىز قاتەلىكتەردى كەشىرمەيدى. ءارتۇرلى قاۋەسەتتەرگە سەنبەۋ كەرەك. بۇل جالعا الىنعان ەمەس، ولاردىڭ جەكە كاتەرى ەدى»، — دەدى ولار.
ەسكە سالايىق، 30 تامىزدا كاسپي تەڭىزىنىڭ اكۆاتورياسىندا بورتتا جەتى ادام بولعان سەرۋەندىك كاتەر جارتاسقا سوعىلعان ەدى. ەكى ادام قازا تاپتى. كەيىن دارىگەرلەر زارداپ شەككەندەردىڭ جاعدايى تۋرالى حابارلادى: «ءتورت زارداپ شەگۋشىگە دەنەنىڭ بىرنەشە ايماعىنىڭ ءارتۇرلى جاراقاتتارى دياگنوز قويىلدى. ءقازىر تورتەۋى دە اۋرۋحاناعا جات قىزىلدى. 1988، 2002 جانە 1964 جىلى تۋعان ناۋقاستار رەانيماسيا بولىمىنە جات قىزىلدى. ولاردىڭ جاعدايى اۋىر، دارىگەرلەردىڭ تۇراقتى باقىلاۋىندا».