اقتاۋدا تجم قىزمەتكەرلەرى پاترۋلدەۋ بارىسىندا رەزەڭكە قايىقتان سۋعا قۇلاعان ەر ادامدى كورىپ، ونى جاعاعا جەتكىزدى. بۇل تۋرالى infohub.kz سايتى ق ر تجم ءباسپاسوز قىزمەتىنە سىلتەمە جاساپ حابارلادى.
وقيعا «شورا» سۋ كانالى ماڭىندا بولدى. قۇتقارۋشىلار اكۆاتوريانى پاترۋلدەپ ءجۇرىپ، سۋداعى ادامدى كورىپ، دەرەۋ وعان قاراي بەت الدى.
«قۇتقارۋشىلار جەدەل كومەك كورسەتىپ، ەر ادامدى سۋدان الىپ شىعىپ، جاعاعا جەتكىزدى. ول مەديسينالىق كومەككە مۇقتاج بولمادى»، — دەلىنگەن تجم حابارلاماسىندا.
ۆەدومستۆو وكىلدەرى سۋعا شىعار كەزدە قاۋىپسىزدىك شارالارىن ساقتاۋ، قۇتقارۋ كەۋدەشەسىن كيۋ جانە سۋ ايدىندارىنداعى ءتارتىپ ەرەجەلەرىن ەلەمەۋگە بولمايتىنىن ەسكەرتتى.