اقتاۋداعى كەيبىر مەكتەپتەردە وقۋ سىنىپتارى وقۋ جىلىنىڭ باستالۋىنا تولىق دايىن ەمەس بولىپ شىقتى. قالالىق ءبىلىم ءبولىمى بۇل جاعدايدى ءتۇسىندىردى، دەپ حابارلايدى infohub.kz سايتى.
باسىلىمنىڭ حابارلاۋىنشا، وقۋدىڭ العاشقى كۇندەرىندە اقتاۋداعى ءبىرقاتار مەكتەپتە بالالاردى وقىتۋعا سىنىپتاردى دايىنداۋدا كەمشىلىكتەر انىقتالدى. ءبىلىم بولىمىندە بارلىق ماسەلە باقىلاۋدا ەكەنىن مالىمدەدى.
اتاپ ايتقاندا، مامانداندىرىلعان IT-ليسەيدە اعىمداعى جوندەۋ جۇمىستارى اياقتالماعاندىقتان، وقۋ پروسەسى ۋاقىتشا ونلاين فورماتقا اۋىستىرىلدى. بۇل شەشىم وقۋشىلاردىڭ قاۋىپسىزدىگىن قامتاماسىز ەتۋ ءۇشىن قابىلداندى. ءقازىر جوندەۋ جۇمىستارى جالعاسۋدا، ءبىلىم ءبولىمى جاقىن ارادا ماسەلەنى تولىق شەشەتىنىنە ۋادە بەردى.
№1 مەكتەپتە 45-كابينەتكە بايلانىستى قولايسىزدىقتار تۋىندادى. قاجەتتى جۇمىستار ءقازىردىڭ وزىندە جۇرگىزىلۋدە جانە جاقىن ارادا اياقتالۋى ءتيىس.
№10 مەكتەپتە جاڭا پارتالاردى جەتكىزۋ ماسەلەسى باقىلاۋعا الىندى. ءبىلىم ءبولىمىنىڭ مالىمەتىنشە، قاجەتتى جيھاز جاقىن ارادا جەتكىزىلەدى.
№16 مەكتەپتە دە اعىمداعى جوندەۋگە بايلانىستى جەكەلەگەن پروبلەمالار تۋىندادى. ءقازىر انىقتالعان كەمشىلىكتەر جويىلۋدا.
ءبىلىم بولىمىندە جەكەلەگەن مەكتەپتەردە جۇمىستاردى اياقتاۋ مەرزىمىنە ۇيىمداستىرۋ ماسەلەلەرى، سونداي-اق ءبىلىم بەرۋ ۇيىمدارىنىڭ قىزمەتكەرلەرىن تامىز ايىندا وتكەن رەسپۋبليكالىق دەڭگەيدەگى ماڭىزدى ءىس-شارالاردى دايىنداۋعا جانە وتكىزۋگە تارتۋ اسەر ەتكەنىن ءتۇسىندىردى.
باسىلىمنىڭ دەرەگىنشە، جاۋاپتى تۇلعالارعا انىقتالعان كەمشىلىكتەردى قىسقا مەرزىمدە جويۋ بويىنشا ناقتى تاپسىرمالار بەرىلگەن.
ۆەدومستۆو وقۋشىلاردىڭ قاۋىپسىزدىگى مەن ساپالى ءبىلىم الۋىنا قاجەتتى جاعداي جاساۋ باسىم باعىت بولىپ قالاتىنىن اتاپ ءوتتى. جوندەۋ جۇمىستارى اياقتالعاننان كەيىن بارلىق مەكتەپتە وقۋ پروسەسى ادەتتەگى رەجيمدە جالعاسادى دەپ كۇتىلۋدە.