اقتوبەدە پاترۋلدىك پوليسيا 22 جاستاعى جۇرگىزۋشىنى ۇستاپ قالدى. ول ءۇش كۇن ىشىندە فوتو- جانە بەينەتىركەۋ كامەرالارىنان كولىكتى جاسىرۋعا تىرىسىپ، جول ءجۇرىسى ەرەجەلەرىن 33 رەت بۇزدى. ايىپپۇلداردىڭ جالپى سوماسى 1،3 ميلليون تەڭگەدەن استى، دەپ حابارلايدى infohub.kz سايتى.
«ءقاۋىپسىز جول» جەدەل-پروفيلاكتيكالىق ءىس-شاراسى كەزىندە پاترۋلدىك پوليسيا قىزمەتكەرلەرى قاساقانا بۇزۋشىنى انىقتادى. جاس جىگىت اكەسىنىڭ Toyota كولىگىن رۇقساتسىز الىپ، وعان شەتەلدىك مەملەكەتتىك تىركەۋ نومىرلەرىن ورناتىپ، قالا كوشەلەرىنە شىققان. ءۇش كۇن ىشىندە ول نەگىزىنەن جىلدامدىقتى اسىرىپ، 33 رەت جول ءجۇرىسى ەرەجەلەرىن بۇزعان.
بۇزۋشىعا قاتىستى اكىمشىلىك ماتەريالدار جاسالىپ، كولىك ارنايى تۇراققا قويىلدى. پوليسيا نومىرلىك بەلگىلەردى اۋىستىرۋ كولىكتى فوتو- جانە بەينەتىركەۋ كامەرالارى ءۇشىن «كورىنبەيتىن» ەتپەيتىنىن ەسكەرتىپ، جۇرگىزۋشىلەردى جول قوزعالىسىنىڭ بارلىق قاتىسۋشىلارىنىڭ قاۋىپسىزدىگى ءۇشىن ەرەجەلەردى ساقتاۋعا شاقىردى.
ايتا كەتەيىك، 11-16 شىلدە ارالىعىندا الماتىدا دا «ءقاۋىپسىز جول» رەسپۋبليكالىق جەدەل-پروفيلاكتيكالىق ءىس-شاراسى وتۋدە. ونىڭ اياسىندا پوليسيا كۇشەيتىلگەن رەجيمدە جۇمىس ىستەپ، جول ءجۇرىسى ەرەجەلەرىنىڭ ءقاۋىپتى بۇزۋشىلىقتارىنا ەرەكشە نازار اۋدارۋدا.