اقتوبەلىك تۇرعىن ليتۆاعا جۇمىسقا ورنالاسۋعا كومەكتەسەمىن دەگەن الاياقتارعا سەنىپ، 600 مىڭ تەڭگە جوعالتىپ، باسپاناسىز قالدى. ول ليتۆاعا جۇمىسقا ورنالاسۋعا كومەك دەپ 600 مىڭ تەڭگە اۋدارعان، الايدا ەلگە كەلگەن سوڭ جۇمىسسىز ءارى ەشقانداي قولداۋسىز قالعان، دەپ حابارلايدى infohub.kz.
وعان ليتۆادا قارسى الىپ، قۇجاتتارمەن كومەكتەسىپ، قولايلى جۇمىس ورنىن تاۋىپ بەرەتىنىن ۋادە ەتكەن. ول قىزمەت اقىسىنان بولەك، الماتىعا دەيىن پويىز بيلەتىن، سودان كەيىن ليتۆاعا ۇشاق بيلەتىن ءوزى ساتىپ الىپ، تۇرۋعا رۇقسات رەسىمدەۋگە دە اقشا تولەگەن. جولعا 365 مىڭ تەڭگە، ال تۇرۋعا رۇقساتتى راسىمدەۋگە 94 مىڭ تەڭگە جۇمساعان.
الايدا كەلگەن سوڭ ونى ەشكىم قارسى الماعان. جۇمىس بەرىلمەگەن، اقشاسى تاۋسىلىپ، تۇنەيتىن جەرى بولماعان. وعان ۇيىنە قايتۋعا تۋىستارى كومەكتەسىپ، قايتار جولعا اقشا جىبەرگەن. ول ليتۆادا ءبىر اپتاداي بولعان.
ورالعان سوڭ اقتوبەلىك تۇتىنۋشىلاردىڭ ۇلتتىق پالاتاسىنا جۇگىنگەن. سوت ارقىلى ول بارلىق جۇمساعان شىعىنىن ءوندىرىپ الىپ، مورالدىق زيان ءۇشىن 200 مىڭ تەڭگە وتەماقى دا العان. رەسپۋبليكالىق قوعامدىق بىرلەستىك «تۇتىنۋشىلاردىڭ ۇلتتىق پالاتاسىنىڭ» پرەزيدەنتى يسلام بولاتوۆتىڭ ايتۋىنشا، ءقازىر بۇل ەر ادامنىڭ جاعدايى تۇزەلگەن، ول ءوز ءىسىن اشىپ، ەندى كۇماندى جۇمىس ۋادەلەرىنە سەنبەيدى.