26 شىلدەدە KAZ10 حالىقارالىق «اقتوبە-ورال — رەسەي شەكاراسى (سىرىم وتكەلى)» اۆتوجولىنىڭ ۋچاسكەسىندە شاعان وزەنىندەگى كوپىردى قالپىنا كەلتىرۋ جۇمىستارىنا بايلانىستى بارلىق كولىك ءتۇرىنىڭ قوزعالىسى ۋاقىتشا شەكتەلەدى. بۇل تۋرالى NUR.KZ حابارلادى.
شەكتەۋلەر تراسسانىڭ 247-شاقىرىمىندا تاڭعى 05:00-دەن 11:00-گە دەيىن ەنگىزىلىپ، بارلىق اۆتوكولىكتەرگە قاتىستى بولادى. «قازاۆتوجول» ۇلتتىق كومپانياسىنىڭ مالىمەتىنشە، شاعان وزەنىندەگى كوپىردە قالپىنا كەلتىرۋ جۇمىستارى جۇرگىزىلەدى.
جۇرگىزۋشىلەرگە جولدى الدىن الا جوسپارلاپ، ۋاقىتشا شەكتەۋلەردى ەسكەرۋ ۇسىنىلادى. «ۋاقىتشا قولايسىزدىقتاردى تۇسىنىستىكپەن قابىلداپ، ساپار باعىتىن الدىن الا جوسپارلاۋلارىڭىزدى سۇرايمىز»، — دەلىنگەن حابارلامادا.