اقۋىزدى شامادان تىس تەرميالىق وڭدەۋ ونىڭ قورەكتىك قۇندىلىعىن تومەندەتىپ، سىڭىمدىلىگىن ناشارلاتادى — عالىمدار وسىنداي تۇجىرىمعا كەلدى، دەپ حابارلايدى infohub.kz سايتى.
زەرتتەۋشىلەر انىقتاعانداي، اقۋىزدى ونىمدەرگە جوعارى تەمپەراتۋرانىڭ ۇزاق اسەر ەتۋى ولاردىڭ حيميالىق قۇرىلىمىن وزگەرتەدى. قاتتى قىزدىرعاندا امينقىشقىلدارى تاعامنىڭ باسقا كومپونەنتتەرىمەن كۇردەلى رەاكسياعا ءتۇسىپ، تۇراقتى قوسىلىستار تۇزەدى. سونىڭ سالدارىنان اعزا اقۋىزدى ءتيىمدى ىدىراتىپ، تىندەر مەن بۇلشىقەتتەردى قۇرۋعا قاجەتتى ماڭىزدى قورەكتىك زاتتاردى الۋ قابىلەتىنەن ايىرىلادى.
سونىمەن قاتار ەتتى، بالىقتى جانە باسقا دا اقۋىزدى ونىمدەردى قايتا-قايتا قۋىرۋ زياندى قوسىمشا زاتتاردىڭ تۇزىلۋىنە اكەلەدى. قاتتى قۋىرۋ نەمەسە قارا قابىقشا پايدا بولعانشا ءپىسىرۋ بارىسىندا گليكيرلەنۋدىڭ سوڭعى ونىمدەرى مەن ۋلى حيميالىق قوسىلىستار پايدا بولادى. ولار اعزادا قابىنۋ پروسەستەرىن تۋدىرىپ، اسقازان-ىشەك جولىنىڭ جۇمىسىنا كەرى اسەر ەتەدى.
زەرتتەۋشىلەر پايداسىن بارىنشا ساقتاۋ ءۇشىن اناعۇرلىم جۇمساق اسپازدىق وڭدەۋ تاسىلدەرىن تاڭداۋدى ۇسىنادى. بۋعا ءپىسىرۋ، باياۋ وتتا قايناتۋ نەمەسە قالىپتى تەمپەراتۋرادا بۇقتىرۋ اقۋىزدىڭ قۇندى قاسيەتتەرىن ساقتاۋعا، ونىڭ جەڭىل ءسىڭۋىن قامتاماسىز ەتۋگە جانە دەنساۋلىققا تونەتىن ءقاۋىپتى ازايتۋعا كومەكتەسەدى.