جەتىسۋ وبلىسىنداعى الاكول كولىندە بولعان وقيعادا 69 جاستاعى ايەل ەكى اياعىنان ايىرىلدى — وبلىستىق تجد جانە پوليسيا مالىمدەدى، دەپ حابارلايدى infohub.kz سايتى.
krisp.tdk Instagram-پاراقشاسىنىڭ مالىمەتىنشە، زارداپ شەككەن ايەل ۇلكەن كاتەردىڭ ارتقى ءۆينتىنىڭ استىنا كەزدەيسوق ءتۇسىپ قالعان.
توتەنشە جاعدايلار دەپارتامەنتىنىڭ ناقتىلاۋىنشا، 2026 جىلعى 16 شىلدەدە الاكول اۋدانىنىڭ كوكتۇما اۋىلىندا مالومەرلى كەمە شومىلۋعا ارنالماعان جەردە شومىلىپ جاتقان ايەلدى قاعىپ كەتكەن. بۇل جەردە جاعانى نىعايتۋ جۇمىستارى جۇرگىزىلگەن. وقيعا سالدارىنان ايەل ەكى اياعىن جوعالتىپ، اۋداندىق ورتالىق اۋرۋحاناعا جات قىزىلدى.
وبلىستىق پوليسيا دەپارتامەنتى وقيعا بويىنشا قىلمىستىق ءىس قوزعالعانىن حابارلادى. ءمان-جايى انىقتالۋدا. قۇقىق قورعاۋ ورگاندارى مالومەرلى كەمە يەلەرىنە سۋ كولىگىن پايدالانۋ كەزىندە، اسىرەسە كوپشىلىك دەمالاتىن جەرلەردە قاۋىپسىزدىك تالاپتارىن قاتاڭ ساقتاۋعا شاقىردى، ال دەمالۋشىلارعا سۋدا ساقتىق شارالارىن ۇستانىپ، مۇقيات بولۋدى ۇسىندى.