قاراقاس الباتروستار پلانەتاداعى تەمپەراتۋرانىڭ كوتەرىلۋ جىلدامدىعىنا ىلەسىپ، كليمات وزگەرىسىنە بەيىمدەلە الماي وتىر. وسىنداي تۇجىرىمعا عالىمدار كەلدى، دەپ حابارلايدى infohub.kz سايتى.
SciTechDaily جازۋىنشا، ريمۋسكيدەگى كانادا ۋنيۆەرسيتەتىنىڭ زەرتتەۋشىلەرى حالىقارالىق ارىپتەستەرىمەن بىرگە وڭتۇستىك مۇحيتتا مەكەندەيتىن قاراقاس الباتروستاردىڭ تىرشىلىگىن زەرتتەگەن. ۇزاق ءومىر سۇرەتىن بۇل قۇستار باياۋ جەتىلىپ، كەش تولدەيدى. سوندىقتان پايدالى گەنەتيكالىق وزگەرىستەر ۇرپاقتان ۇرپاققا تىم ۇزاق بەرىلەدى.
كومپيۋتەرلىك مودەلدەۋ كورسەتكەندەي، پايدالى قاسيەتتەر ۇرپاققا جەتەدى، الايدا ءتۇردىڭ جالپى سانى پايدالى بەلگىلەر كوپشىلىك داراققا تارالىپ ۇلگەرمەي جاتىپ، تەزىرەك ازايادى.
تابيعي سۇرىپتالۋ قورشاعان ورتا بىرتىندەپ وزگەرگەندە پوپۋلياسيانى ساقتاپ قالا الادى، ءبىراق قارقىندى جاھاندىق جىلىنۋ بۇل قورعانىس تەتىكتەرىن تۇگەلدەي جوققا شىعارادى. سيرەك كەزدەسەتىن تۇرلەردى ساقتاۋدىڭ ءتيىمدى جولى — پارنيكتىك گازدار شىعارىندىسىن ايتارلىقتاي قىسقارتۋ.
زەرتتەۋ اۆتورلارىنىڭ باعالاۋىنشا، كليماتقا انتروپوگەندىك قىسىمدى ازايتۋ عانا جانۋارلاردىڭ قىرىلۋىن باسەڭدەتىپ، ەۆوليۋسياعا جابايى تابيعات تۇرعىندارىن ساقتاپ قالۋعا ناقتى مۇمكىندىك بەرەدى.