قازاقستاننىڭ ەرلەر اراسىنداعى جەكە سىندا ەكىنشى راكەتكاسى الەكساندر شەۆچەنكو گشتاادتاعى توپىراق كورتىنداعى اتپ 250 ءتۋرنيرىنىڭ ەكىنشى اينالىمىندا جەڭىسكە جەتتى، دەپ حابارلايدى infohub.kz سايتى.
اتپ رەيتينگىندە 100-ورىندا تۇرعان سپورتشى شۆەيساريالىق دومينيك شتەفان ستريكەرمەن كەزدەستى. ول الەمدە 360-راكەتكا جانە ارنايى شاقىرتۋمەن نەگىزگى تورعا وتكەن بولاتىن. ماچ 16 شىلدەدە باستالىپ، جاڭبىرعا بايلانىستى ءۇزىلىپ، كەلەسى كۇنى اياقتالدى. شەۆچەنكو 7:6 (تاي-برەيكتە 7:5)، 6:2 ەسەبىمەن جەڭدى.
تەننيسشىلەر كورتتا 1 ساعات 28 مينۋت وتكىزدى. وسى ۋاقىت ىشىندە قازاقستاندىق توعىز ەيس جاسادى، ءتورت قوس قاتەلىك جىبەردى جانە ءتورت برەيك-پوينتتىڭ ۇشەۋىن پايدالاندى.
شيرەك فينالدا شەۆچەنكو اتپ رەيتينگىندە 90-ورىندا تۇرعان فرانسۋز كەنتەن اليسپەن كەزدەسەدى. اليس ەكىنشى اينالىمدا تۋرنيردەن الەكساندر بۋبليكتى شىعارىپ تاستادى.