«راسسمەشي كوميكا» شوۋىنىڭ جەڭىمپازى رەتىندە تانىلعان بۇرىنعى ازىلكەش الەكسەي رەۆا ۋكراينا قورعانىس ءمينيسترىنىڭ ورىنباسارى قىزمەتىنە تاعايىندالدى. بۇل تۋرالى ەلدىڭ اسكەري ۆەدومستۆوسى ءوزىنىڭ Telegram-ارناسىندا حابارلادى، دەپ جازادى NUR.KZ ريا نوۆوستيگە سىلتەمە جاساپ، ول تۋرالى infohub.kz سايتى حابارلايدى.
«قورعانىس مينيسترلىگىنىڭ كومانداسىن كۇشەيتۋدى جالعاستىرامىز. ۇكىمەت مايور الەكسەي رەۆانى ۋكراينا قورعانىس ءمينيسترىنىڭ سيفرلىق دامۋ، سيفرلىق ترانسفورماسيا جانە سيفرلاندىرۋ جونىندەگى ورىنباسارى ەتىپ تاعايىندادى»، — دەلىنگەن ۆەدومستۆو جاريالانىمىندا.
جاڭا قىزمەتتە رەۆا قورعانىس كۇشتەرىنە ارنالعان سيفرلىق جۇيەلەر مەن سەرۆيستەردىڭ دامۋىن، سونداي-اق ارمياداعى پروسەستەردى جەڭىلدەتىپ، اسكەري قىزمەتشىلەرگە جۇكتەلگەن مىندەتتەردى ورىنداۋعا كومەكتەسەتىن تەحنولوگيالاردى ەنگىزۋدى قاداعالايتىن بولادى.
باسىلىم اتاپ وتكەندەي، 2015 جىلى الەكسەي رەۆا «راسسمەشي كوميكا» شوۋىندا جەڭىسكە جەتكەن. كەيىن ول «ماماحوحوتالا» ءازىل ستۋدياسىندا اكتەر جانە سەناريست بولىپ ونەر كورسەتتى. رەسەيمەن قاقتىعىس باستالعاننان كەيىن رەۆا ەگىز اعاسىمەن بىرگە تسك-عا قىزمەتكە ءتۇسىپ، كەيىن ۋكراينانىڭ باس بارلاۋ باسقارماسىندا جانە قورعانىس مينيسترلىگىنىڭ IT-سەكتورىندا اسكەري مىندەتتىلەردى ەسەپكە الۋعا ارنالعان باعدارلامالىق جاساقتاما جاساۋمەن اينالىستى.