الەۋمەتتىك-پسيحولوگيالىق ترەنينگتى ۇيىمداستىرۋ پرينسيپتەرى

توپ - بۇل اقيقات دۇنيە، توپتا، ومىردەگى سياقتى وزىندىك تۇلعا ارالىق قارىم-قاتىناس، شەشىم قابىلداۋ، مىنەز - ق ۇلىقتى تاڭداۋ پروبلەمالارى بار.
توپتىق ترەنينگتەردىڭ نەگىزگى مىندەتتەرى:
- وزىندىك ءتۇسىنۋ؛
- وزىندىك رەتتەۋ؛
- قارىم - قاتىناس سيتۋاسياسىندا باسقالاردى ءتۇسىنۋ؛
- ادەكۆاتسىز جانە جاڭا ادەكۆاتتى قارىم - قاتىناس داعدىلارىن كوررەكسيالاۋ.
ترەنينگتىك توپتى ۇيىمداستىرۋ پرينسيپتەرى:
1 پرينسيپ: ەرىكتىلىك ءپرينسيپى - بارلىق قاتىسۋشىلار ترەنينگكە قاتىسۋ تۋرالى شەشىمدى ءوز بەتىنشە جاساۋى ءتيىس. قىستاۋ، قاتىسۋعا ماجبۇرلەۋ ەشقانداي ناتيجەگە الىپ كەلمەيدى، جەكەلىك وزگەرىستەر ادامنىڭ ىشكى قىزىعۋشىلىقتارى تۋىنداعان كەزدە عانا مۇمكىن؛
2 پرينسيپ: ءوزارا ارەكەتتەسۋدە ديالوگتىق پرينسيپ - قاتىسۋشىلار اراسىنداعى تولىققاندى تۇلعاارالىق قارىم - قاتىناس ءوزارا سىيلاستىققا، ءوزارا سەنىمدىلىككە نەگىزدەلۋى ءتيىس؛
3 پرينسيپ: وزىندىك دياگنوستيكا - ەڭ الدىمەن، كليەنت ءوز پروبلەمالارىن وزدەرى ءتۇسىنىپ قالىپتاستىرۋى، باسقالاي ايتقاندا وزىندىك اشىلۋى ءتيىس؛
4 پرينسيپ: اقپاراتتانۋ: ءاربىر كليەنت ساباق قانداي جاعدايدا بولاتىنىن بىلۋگە قۇقىلى.
ترەنينگتىك توپقا قاتىسۋعا بولاتىن ءوپتيمالدى جاس – 16 - 40 جاسقا دەيىن.
ترەنينگ وتكىزىلەتىن ورىندا قاتىسۋشىلار شەڭبەر قۇرىپ وتىراتىنداي جاعدايدا بولۋى قاجەت. پسيحوترەنەردىڭ مىندەتى - جۇمىستى ۇيىمداستىرۋ، ادىستەمەلىك قامتاماسىز ەتۋ جانە ترەنينگ وتكىزۋ بولىپ تابىلادى.

ترەنەر جۇمىسىنىڭ 1 - كەزەڭى - ترەنينگكە دايىندىق - اڭگىمەلەسۋ، ترەنينگكە قاتىسۋشىلاردان انكەتا الۋ، ولاردىڭ قۇجاتتارىن، مىنەزدەمەلەرىن قاراۋ، مەڭگەرۋ. پسيحولوگ ترەنينگتە قاتىسۋشىلاردىڭ پروبلەمالارى مەن نيەتتەرىن انىقتاپ الۋى قاجەت. ترەنەر باعدارلاما جاسايدى، تاقىرىپ انىقتايدى، ۋاقىتى مەن ورنىن ناقتىلايدى، اۋديو جانە ۆيدەو تاسپالار تاڭدالادى، تاراتىلاتىن ماتەريال دايارلانادى.

2 - كەزەڭ – ترەنينگتى وتكىزۋ. ترەنينگ وتكىزۋ ادىستەمەسى ءارتۇرلى بولۋى مۇمكىن، ءبىراق، كەز كەلگەن الەۋمەتتىك - پسيحولوگيالىق ترەنينگ رولدىك ويىندا جانە توپتىق ديسكۋسسيانى ەنگىزۋى ءتيىس.

3 - كەزەڭ - قورىتىندى شىعارۋ. قورىتىندى ءار ساباق سايىن جۇرگىزىلەدى. قاتىسۋشىلار ءوز جەتىستىكتەرى مەن سەزىمدەرىن باعالايدى، بۇل باعالاۋ ترەنينگتەگى ءاربىر قاتىسۋشىنىڭ جەكەلىك دامۋىنىڭ ديناميكاسىنا باعدارلانۋى ءتيىس. ءاربىر ساباق سايىن ترەنەر ءوز باقىلاۋلارىن جۋرنالعا جازىپ قويادى. توپتاعى كورىنگەن پروسەستەر: توپ مۇشەلەرىنىڭ ەموسيالىق قالپى، ساباقتا قوزعالعان تاقىرىپتار، پروبلەمانى تالقىلاۋداعى ءاربىر قاتىسۋشىلاردىڭ قوسقان ۇلەسىن باعالاپ تىركەيدى.

قورىتىندى شىعارۋ ساباق سيكلى اياقتالعاندا جاسالادى. پسيحولوگيالىق باقىلاۋلاردى، انكەتالاردى، تەستەردى، بەينەتاسپالاردى اناليزدەۋ ارقىلى ترەنينگكە قاتىسۋشى ءاربىر مۇشەنىڭ جۇمىس ناتيجەسىن انىقتايدى.